"Liverpul" hujumchisi Roberto Firmino yozda "Inter"ga o'tishi mumkin, deya xabar berdi "La Gazzetta dello Sport". Italiya Superkubogining yangi g'olibi braziliyalikning saviyasi va tekinga qo'lga kiritish imkoniyati manzur kelmoqda. Shuningdek, "Inter" Romel Lukakuning ijara muddatini uzaytirish mumkinligiga ishonchi komil emas.

Firminoga "neradzurri" varianti yoqadi. Qolaversa, braziliyalik futbolchi maoshini biroz qisqartirishga ham rozi, chunki "Inter" unga yiliga 10 million evro to'lashga tayyor emas.

Firmino "Liverpul"da 2015 yilning yozidan beri o'ynab kelmoqda. U "qizillar" safida 348 ta o'yinda 107 ta gol urdi hamda 78 ta golli uzatmani amalga oshirdi va 2019 yilda Chempionlar Ligasini, 2020 yilda esa Angliya chempionligini qo'lga kiritishiga ko'maklashdi.

Manba: "Inter" Firminoga taklif bilan chiqadi