Qayd etish kerak, jamoalar shu davrga qadar barcha turnirlarda 182 marta to'qnash kelishgan.

76 o'yinda "Yunayted", 54 o'yinda "Siti" g'alabaga erishgan. 52 uchrashuvda tomonlar durangga imzo chekishgan. 263 gol urgan mankunianliklar 249 bora o'z darvozasidan to'p olib chiqqan. Angliya chempionatida esa tomonlar o'zaro 149 o'yinda qatnashishgan. 57 o'yinda shaharning qizil, 45 o'yinda esa ko'k tomoni g'oliblikka erishgan. 47 uchrashuvda esa kuchlar teng kelgan.

Ushbu mavsumda tomonlar o'zaro 3 bahsni o'tkazib bo'lishdi. 7 dekabr kuni APL doirasida "Etixad"da o'tgan o'yinda "Yunayted" 2:1 hisobida g'alabaga erishdi. 7 yanvar kuni Angliya liga kubogi yarim finali ilk o'yinida "Old Trafford"da "Siti" 3:1 hisobi bilan g'alaba qozondi. Javob o'yinida "Yunayted" 1:0 hisobi bilan raqibini dog'da qoldirgan bo'lsa-da, "Siti" ikki o'yin natijasiga ko'ra, finalga chiqdi.

APL doirasida "Yunayted" o'z maydonida "Siti"ni so'nggi bora 2015 yilning 12 aprelida dog'da qoldirgan va o'shanda 4:2 hisobi qayd etilgan.

Keyingi mavsumlarda shunday natijalar qayd etilgan:

2015/16: "Manchester Yunayted" - "Manchester Siti" 0:0
2016/17: "Manchester Yunayted" - "Manchester Siti" 1:2
2017/18: "Manchester Yunayted" - "Manchester Siti" 1:2
2018/19: "Manchester Yunayted" - "Manchester Siti" 0:2

"Manchester Yunayted" - "Manchester Siti". O'zaro o'yinlar statistikasi