Германия терма жамоаси бош мураббийи Юлиан Нагельсманн Европа чемпионатида Мануэль Нойер терма жамоанинг асосий дарвозабони бўлишини маълум қилди.

"Нойер Европа чемпионатида асосий дарвозабон бўлади. Биз қарор қабул қилдик. Афсуски, Нойер жароҳат олди, аммо бу унчалик ҳам жиддий эмас, 10 кунда ҳаммаси жойига тушади. Мен қароримни ўзгартирмайман.
Нойер анча муддатдан бери яхши ўйнаб келмоқда. Энг муҳими – ўйинчиларга барчасини очиқ маълум қилиш. Бу мен асосий таркибда ўйнатмоқчи бўлган ўйинчиларга ҳам тегишли.
Тер Штеген билан суҳбатда у таркибда борлигидан мамнун эканимни маълум қилдим. Жароҳат исталган пайт юзага келиши мумкин. Лекин менинг қарорим ўзгаришсиз қолади", -дейди Юлиан Нагельсманн.

"Мануэль Нойер Евро-2024да Германия термасининг асосий дарвозабони бўлади" – Юлиан Нагельсманн