Lekin “Bavariya” 2:1 hisobida g'alaba qozondi. Jerom Boatengning chetlatilishi va penalti belgilangani ham bunga xalal bermadi. “DFB.de” sayti myunxenliklar posboni bilan suhbatlashib, bundesliga tarixidagi eng tezkor gol, Polanskining penalti tepishdagi omadsizligi va Xoffenxaymdagi o'yin taassurotlari haqida savollarga javob oldi.

- Janob Noyer, siz 9-soniyada gol o'tkazib yubordingiz. Bu bundesligada tarixidagi eng tez gol sanaladi. Siz to'pga tegishga ulgurmay, “Xoffenxaym” oldinga chiqib oldi. Avval shunday holat siz bilan ro'y berganmi?

- Yo'q, lekin vaqtli gol kechidan ko'ra yaxshiroq. Bizda o'yin taqdirini o'zgartirish uchun etarlicha vaqt qolgandi.

-Bunday startdan keyin nima ro'y berdi? Follandning golini qanday hisoblaysiz?

-Biz hali suratga kirib ulgurmagandik. Boateng va Alaba o'rtasida tushunmovchilik yuzaga keldi. David ortga noaniq pas berdi va Jerom uni egallashda xato qildi. O'sha erda Folland paydo bo'ldi.

-Keyin siz sirpanib ketdingiz.

- Men to'p yaqinroq kelayotganini ko'rib oldinga chiqdim va sirpanib ketdim. Lekin sirpanmaganimda raqibga nisbatan qo'pollik ishlatishim mumkin edi, chunki o'yinchi to'pga yaqinroq kelib qolgandi. Vaziyat yomonroq tugashi ham ehtimoli bor edi.

-Penalti va Boatengning chetlatilishi haqida nima deysiz?

- To'p uning qo'liga tegdi, biroq tanasi qo'l ortida qolgandi. Qoida aynan shunday yo'l tutishni ko'rsatishiga amin emasman.

- Polanskini penaltidan avval chalg'itishga harakat qildingizmi?

- Hakamga to'p nuqtaning zarur joyida turmaganini aytdim. Polanski to'pni siljitdi va mo'ljaldan adashdi. So'zlarim uni asabiylashtirganini bilmayman.

- Sizga to'sin ham yordam berdi.

- Men kerakli burchakka tashlandim. To'p sonimga tegdi. Davil Alaba esa o'yin boshidagi xatosidan keyin to'liq etiborli bo'lib ulgurgandi.

- Levandovskining so'nggi daqiqadagi goli va g'alabani siz rosmanasiga quvonch bilan nishonladingiz. Zaxira o'rindig'ida o'tirgan darvozabonlar murabbiyi Toni Topalovich yoniga yugurib keldingiz.

-Bu haqiqiy hissiyot edi. O'sha g'alaba bilan Shtutgartda 2014 yil erishilgan muvaffaqiyatni eslatib yubordi. O'shanda Tiago so'nggi soniyalarda bizni qaychi uslubidagi ajoyib zarba bilan oldinga olib chiqqandi. Maydonda 10 kishi bo'lganimiz sababli yanada quvonchliroq bo'ldi. Bu o'tgan turda “Gamburg” ustidan qozonilgan g'alaba emas.

- Erta gol va maydondan chetlatilgan o'yinchi tufayli g'alabani qanday baholaysiz?

- O'ylashimcha, bugun biz to'g'ri yo'nalishda yana bir qadam tashladik. Ajoyib o'yin ko'rsatdik. Harakatlarimiz ideal bo'ldi, o'yin va to'pni nazorat qildik. O'yin boshidagi omadsizlikdan keyin ham o'zimizni yo'qotib qo'ymadik. Biz yaxshiroq bo'ldik va 10 futbolchi bilan ham golli vaziyatlarni yuzaga keltirdik.

-Bu irodali g'alaba bo'ldimi?

-Barcha o'yin sifatida. Biz falsafamizga mos tushgan holda zafar quchdik. Ko'proq ustunlik qildik. Ko'plab imkoniyatlar bo'ldi, faqat birinchi golda omad kulib boqmadi. Agar bir ochko bilan qaytganimizda shunchaki kulguli bo'lardi.

- Jamoa hisobida 2 o'yinda 2 g'alaba mavjud. Jamoa ideal o'yin suratiga tushib olishiga yana vaqt zarurmi?

- Yaxshi holatga kirib boryapmiz. Bugun bizga maydonda kim o'ynayotganidan qati nazar barcha futbolchi kerak ekanligini isbotladik. Ular maydonda ajoyib harakat qilishdi.

Behzod NAZAROV tayyorladi.

Manuel Noyer: “To'g'ri yo'nalishda bir qadam tashladik”