Аввал хабар бериб ўтганимиздек бу ўйинда икки "Машъал" тўқнаш келади. Бу баҳс олдидан "Машъал" ҳужумчиси Марадона Сафаров ўйин ҳақида фикрларини билдириб ўтди.

"Қуръага ҳеч нарса деб бўлмайди. Тасодиф туфайли биринчи лигадаги "Машъал-2" жамоамизга тўқнаш келганмиз. Улар 1/16 босқичга чиқишнни уддалади. "Машъал" учун "Насаф-2" ҳам тоғри тўқнаш келиши мумкин эди. Бу тўқнашув фақатгина тасодиф бўлган. Энди Муборакда ажойиб учрашув бўлади. Бу шунчаки ўртоқлик баҳси эмас расмий ўйин бўлади. Майдонга кимлар тушишини мураббий ҳал этади. Ҳозир айнан қандай таркиб тушиши ҳақида ҳеч ким билмайди. Ким майдонга тушса ҳам профессионалларча ҳаракат қилади. Мухлислар ҳам қизиқарли ўйин кўради. Натижа ҳар икки жамоа учун муҳим. "Машъал-2" ҳақида деярли жуда яхши маълумотга эгамиз. Микола Лапа бу йил бош мураббийлик қилмоқда ва ўйин услубини ўзгартиришга ҳаракат қилса керак.

"Машъал" барибир биринчи лига жамоасидан устун. Шунга қарамай "Машъал-2" ҳам осонликча таслим бўлмайди деб ўйлайман. Уларда ушбу баҳсга жиддий ёндошади. Шижоат уларда нисбатан кўпроқ дейишим мумкин. Боиси улар майдонда узини ўйинини исботлаш учун курашади", - дейди Марадона Сафаров.

Марадона Сафаров: "Машъал-2" билан қизиқарли баҳс бўлади"