- Ўйин ҳақида фикрларингиз?

- Учрашувни яхши бошладик ва гол уриш учун бир нечта вазиятларимиз бўлди. Мустафо Абдулатифда яхши имкониятлар бўлди, лекин Ироқ дарвозабони яхши ҳарақат қилди. Умумий қилиб айтсам, турнир биз учун катта тажриба вазифасини ўтади, лекин натижаларимиз гуруҳдан чиқиш учун етарлича бўлмади. Биз Ўзбекистон билан камида дуранг ўйнашимиз, Индонезияга мағлуб бўлмаслигимиз керак эди. Ўзимиз режа қилгандек қатнаша олмадик ва бор кучимизни кўрсата билмадик.

- Жаноб мураббий, қисқа вақт ичида жамоангиз яхши ўйин намойиш этди, лекин турнирда омадсиз иштирок этдингиз. Бунга сабаб нима деб ўйлайсиз?

- Биринчи навбатда, диққатли бўла олмадик ва шу сабаб омадсизликка учрадик деб ўйлайман. Футболчиларда тажриба кам, чунки Сурияда U-21 чемпионати йўқ ва бунинг учун ҳолатимиз ҳам етарли эмас. Ушбу мусобақа олдидан 9та ўртоқлик учрашувини ўтказгандик, лекин ўртоқлик учрашувларида босим бўлмайди. Ушбу ёшларга тажриба етишмаяпти, улар ҳали жуда ёш ва ўйлайманки улар олимпия терма жамоасига ўтишганда, анча яхши шаклланган футболчилар бўлишади. Ўзбекистонга қарши энг яхши ўйинмизни ўтказдик, улар фақатгина стандарт вазиятлардан гол уришди.

- Ушбу мусобақадаги иштирокингизнинг фойдали томонларини айтиб ўтсангиз?

- Фойдаси катта, чунки 12 йил деганда бизнинг ёшлар ушбу мусобақада қатнашмоқда ва бу албатта катта ютуқ, тўғри мусобақани эрта тарк этаяпмиз, лекин фикримча бу ривожланиш йўлининг бошланиши. Мен федерацияга миннатдорчилигимни билдираман, чунки улар бутун мусобақа давомида менга ишонишди. Мисол қилиб айтаман, Алрамадан ўзи тўп тепадиган "Алеппо" клубида катталар сафида майдонга ҳали майдонга тушмади, ва у U-19 жамоасида тўп тепади, у ерда эса мактаб болаларига қарши ўйнайди, у қандай қилиб Ўзбекистон терма жамоасига қарши мухлислар билан тўлган стадионда ўйнаши мумкин. Ишлашда давом этамиз, мен федерацияда техник директор бўлиб ҳам ишлайман ва ўйлайманки кейинги иштирокимиз анча яхшироқ бўлади. Барчангизга эътибор учун раҳмат.

Марк Вотте турнирдаги омадсиз иштирок сабабини айтди