Qozog'iston

Mamlakat chempionatining 21-tur uchrashuvlari o'tkazildi. O'zbekistonlik ikki hamyurtimiz libosini kiyadigan "Ordabasi" "Tobol" maydonida 0:0 hisobida durang o'ynadi. Shahboz Umarov uchrashuvni asosiy tarkibda boshlab, 64-daqiqada zaxiraga olindi. Uning o'rniga esa yana bir hamyurtimiz Bobir Abdixoliqov maydonga tushirildi.

Tur davomida quyidagi natijalar qayd etildi:
Oqjetpes 3:3 Kaspiy
Maqtaaral 3:1 Shaxtyor
Qaysar 1:1 Jetisu
Qiziljar 1:0 Aqsu
Atirau 0:0 Aqtobe
Qayrat 1:0 Astana
Tobol 0:0 Ordabasi

Turnir jadvalida bir o'yin kam o'tkazgan "Ordabasi" 49 ochko bilan peshqadamlik qilmoqda. To'liq o'yinga ega "Aqtobe"da esa 41 ochko mavjud. Qo'shimcha o'yini mavjud "Astana" 40 ochko bilan kuchli uchlikka yakun yasagan.

To'purarlar jadvalida "Qayrat"ning braziliyalik hujumchisi Joao PAULO 14 ta gol bilan etakchilik qilmoqda. "Ordabasi" yarim himoyachisi Asxat TAGIBERGEN hisobida 10 ta gol mavjud.

22-tur o'yinlari 15–17 sentyabr kunlari bo'lib o'tadi. Unda quyidagi juftliklar kuch sinashadi:
15 sentyabr (juma)
Kaspiy-Maqtaaral
Aqsu-Oqjetpes
16 sentyabr (shanba)
Atirau-Qiziljar
Astana-Tobol
Aktobe-Ordabasi
17 sentyabr (yakshanba)
Shaxter-Qaysar
Jetisu-Qayrat

Qirg'iz Respublikasi

Mamlakat chempionatining 19-tur uchrashuvlari o'tkazildi. Unda quyidagi natijalar qayd etildi:
Alg'a 0:1 Neftchi Qo'chqor-Ota
Dordoy 4:0 Aldier
Muras Yunayted 1:0 Talant
Abdish-Ata 4:2 Qora-Bolta
Alay 1:3 Ilbirs

Tur yakuniga ko'ra, "Abdish-Ata" 38 ochko bilan turnir jadvalida peshqadamlik qilmoqda. Undan 2 ochko kam jamg'argan "Dordoy" 2-o'rinda ketayotgan bo'lsa, 34 ochko bilan "Alay" kuchli uchlikka yakun yasagan.

To'purarlar jadvalida "Dordoy" hujumchisi Danin Talovich 12 gol bilan peshqadamlik qilmoqda. "Alga" futbolchisi Anton Zemlyanuxin hisobida esa 9 ta gol mavjud.

20-tur o'yinlari kecha start oldi. Unda quyidagi natijalar qayd etildi:
Aldier 0:3 Muras Yunayted
Qora-Bolta 0:0 Neftchi Qo'chqor-Ota

Qolgan o'yinlar bugun va ertaga bo'lib o'tadi.

Tojikiston

Mamlakatda kubok bahslari doirasida chorak final uchrashuvlari o'tkazildi. Unda quyidagi natijalar qayd etildi:
Istiqlol 2:0 Fayzqand
Regar-TadAZ 2:1 Esxata
Mohir 0:1 Hatlon
Hosilot 1:5 Ravshan

Yarim final bosqichida "Istiqlol" "Regar-TadAZ"ga qarshi maydonga tushsa, "Hatlon" "Ravshan" bilan to'qnash keladi.

Chempionatga keladigan bo'lsak, doimgidek "Istiqlol" turnir jadvalida peshqadamlik qilayotganiga guvoh bo'lishingiz mumkin. Eng yaqin taqibchi "Ravshan" bilan oradagi farq 8 ochkoni tashkil etadi.

To'purarlar ro'yxatida "Istiqlol" futbolchisi Manuchehr Jalilov 9 ta gol bilan etakchilik qilmoqda.

Turkmaniston

Mamlakat chempionatining 16-turidan o'rin olgan ikki uchrashuv bo'lib o'tib, quyidagi natijalar qayd etildi:
"Altin Asir" 7:2 "Ashxabad"
"Axal" 2:0 "Nebitchi"

"Arkadag'" – "Energetik" va "Kopetdag'" – "Marv" uchrashuvlari esa nomalum sabablarga ko'ra qoldirildi. Eslatib o'tamiz, joriy mavsum "Ahal" Osiyo Chempionlar ligasida, "Altin Asir" esa OFK kubogi guruh bosqichida ishtirok etadi.

Turnir jadvali
1. Arkadag' (12 o'yin) - 36 ochko;
2. Altin Asir (13 o'yin) - 29 ochko;
3. Nebitchi (14 o'yin) - 25 ochko;
4. Kopetdag' (13 o'yin) - 17 ochko;
5. Axal (13 o'yin) - 16 ochko;
6. Ashxabad (14 o'yin) - 16 ochko;
7. Energetik (12 o'yin) - 12 ochko;
8. Shagadam (14 o'yin) - 8 ochko;
9. Marv (9 o'yin) - 6 ochko.

+Eron

Hududining bir qismi Markaziy Osiyo mintaqasiga to'g'ri keladigan fors o'lkasida yangi mavsum start oldi va dastlabki uch tur ortda qoldi. tur doirasida quyidagi natijalar qayd etildi:
Nassaji Mazanderan 0:1 Siryan
Persepolis 1:1 Zob Axan
Sanat-Naft 1:1 Peykan
Sepahon 1:0 Istiqlol Tehron
Malavan 4:0 Fulad
Xavadar 1:2 Alyuminium Arak
Mes Rafsanjan 0:3 Shams Azar Qazvin

Turnir jadvalida 9 ochko bilan "Sepahon" peshqadamlik qilmoqda. "Siryan" va "Persepolis"da esa 7 tadan ochko mavjud.

To'purarlar jadvalida "Malavan" futbolchisi Masud Zar Kazemeyni hamda "Sepahon" o'yinchisi Rizo Asadi 3 tadan to'p kiritgan holda etakchilik qilmoqda.

4-tur bahslari 29-30 avgust sanalariga belgilangan.

Oqil Abdubarnoev tayyorladi.

Markaziy Osiyo. "Ordabasi" Qozog'istonda etakchi, Qirg'iz Respublikasida raqobat qizg'in, Eronda esa yangi mavsum boshlandi