QOZOG'ISTON

O'zbekistonlik futbolchilar
Odil Abdumajidov, Behruz Asqarov, Xurshid Muxtorov, Shahboz Umarov (barchasi – Turon)

Qozog'iston chempionatida 10-tur o'yinlari yakunlandi. Unda quyidagi natijalar qayd etildi:

Qayrat – O'qjetpes – 1:2
Ordabasi – Ulitau – 0:1
Astana – Jenis – 4:2
Jetisu – Aqtobe – 2:1
Qiziljar – Elimay – 1:1
Atirau – Qaysar – 1:2
Turan – Tobil – 1:2.

Ushbu turda mag'lubiyatga uchraganiga qaramay, turnir jadvalida Aqtobe birinchi o'rinda bormoqda. Astana bir ochko ortda qolgan holda eng yaqin taqibchi bo'lib turibdi.

To'purarlar ro'yxatida Qayratning yosh forvardi Dastan Satpaev 7 ta gol urgan holda etakchilik qilmoqda.

11-tur o'yinlari 30–31 may kunlari o'tkaziladi:

30 may
Jenis – Ordabasi
Atirau – Tobil
Elimay – Astana
Aqtobe – Qayrat
31 may
Ulitau – Turan
O'qjetpes – Qiziljar
Qaysar – Jetisu.

TOJIKISTON

O'zbekistonlik futbolchilar
Hamidullo Abduhakimov, Sardor Xursandov, Mirjalol Qosimov, Sanjar Rixsiboev, Diyor Shavqiev, Izzatilla Tursunov, Zoir Tursunov (barchasi – Esxata); Suxrob Berdiev, Bobur Qosimov, Abdujalil Manazarov, Mirzohid Mirzomahmudov, Jahongir Safarov, Sardor Saidov, Shahzod Shamsiddinov (barchasi – Istaravshan); Zafar Ismoilov (Hulbuk); Firdavs Abdusalimov, Asiljon Begimqulov, Islom Toshpo'latov (barchasi – Xo'jand); Ayubxon Alimov, Rustam Qo'chqorov (barchasi – Panjsher).

25 may kuni Tojikiston Superkubogi-2025 uchun Dushanbening Istiqlol va Tursunzodaning Regar-TadAZ jamoalari o'rtasidagi o'yin o'tkazildi. Uchrashuvning asosiy vaqti 1:1 hisobidagi durang yakunlandi. Qo'shimcha vaqtda tomoshabinlar gol ko'rishmadi. Penaltilar seriyasida esa Istiqlol futbolchilari 5:4 hisobida g'alaba qozonishdi.

Istiqlol – Regar-TadAZ – 1:1. Penaltilar seriyasi – 5:4

Gollar: Sherzod Maxamadiev, 11 – penaltidan (0:1). Joshua Akpuje, 83 (1:1).

Penaltilar seriyasi: Axtam Nazarov – 1:0. Nozim Bobojonov – 1:1. Masrur Gafurov – 2:1. Jahongir Ergashev – 2:2. Shaxrom Sulaymonov – 3:2. Sherzod Maxamadiev – 3:3. Amirbek Juraboev – 4:3. Asilbek Temirov – 4:4. Sodiqjon Qurbonov – 5:4. Daler Imomnazarov – 5:4 (xato).

Istiqlol (Dushanbe): Nikola Stoshich, Tabrez Islomov (Axtam Nazarov, 66), Lourens Anvon Nikolas (Masrur Gafurov, 46), Sodiqjon Qurbonov, Joshua Akpuje, Romish Jalilov, Amirbek Juraboev, Muhammadjon Rahimov, Alisher Jalilov, Rustam Soirov (Shaxrom Sulaymonov, 71), Reza Dexkani (Muhammad Nazriev, 81).

Regar-TadAZ (Tursunzoda): Manuel Pani, Baxtiyor Qalandarov (Nozim Bobojonov, 62), Osuman Qosim, Asilbek Temirov, Daler Imomnazarov, Faridun Davlatov (Abdullo Sharipov, 70), Saidmuxtor Azimov (David Atsam), Jozef Feumba, Sherzod Mahamadiev, Kvadvo Frimpong, Samandar Qodirov (Jahongir Ergashev, 56).

Ogohlantirishlar: Lourens Anvon Nikolas, Joshua Akpuje, Dilshod Vosiev (Istiklol), Saidmuxtor Azimov, Manuel Pani, Sherzod Maxamadiev (Regar-TadAZ).

Chetlatish: Kvadvo Frimpong (Regar-TadAZ), 45+3.

QIRG'IZ RESPUBLIKASI

O'zbekistonlik futbolchilar
Abdug'ani Kamolov (Abdish-Ata), Ismoil Abdurakhmonov, Sarvar Ablaev, Jamshid Kobulov, Eldor Mamatkazin, Mirzokhid Mamatxonov, Nuriddin Nuriddinov, Muhammadali Tursunov (barchasi – Alay); Azamat Maksumov, Timur Nabiev (barchasi – Asiagol); Dadaxon Yusupov (Ilbirs), Sherzod Abdullaev (Qirg'izoltin), Aziz Kosibxonov (Muras Yunayted), Farhod Mirahmadov, Sirojiddin Bashriddinov (Neftchi), Xushnud Bozorov, Rustam Quchqorov, Shohruhbek Muratov, Otabek Mo'minov, Ismoilxon Oxunxonov, Akmal Rahimov, Shukurjon Rustamjonov, Maradona Safarov, Behruz Shodmonov, Andrey Sidorov, Saidumar Sodiqov, Jasurbek Umrzoqov (barchasi – O'shMU-Aldier); Islom Abdullaev, Izzatilla Abdullaev, Jahongir Qushoqov, Javohir Sohibov (barchasi – O'zgan), Ulug'bek Sharipov, Nurmuhammad Toshpo'latov (barchasi – Talant).

Qirg'iz Respublikasi chempionatida 11-tur uchrashuvlari ortda qoldi. Turnir jadvalida mag'lub bo'lganiga qaramay, Alay etakchilik qilmoqda. Muras Yunayted esa durang o'ynab, peshdaqamlikka ko'tarilib olish imkonini boy berdi.

To'purarlar jadvalida O'shMU Aldier hujumchisi Romario Richard 7 ta gol bilan etakchilik qilmoqda.

TURKMANISTON

Turkmaniston chempionatida ushbu hafta faqat bitta o'yin – 3-turning qoldirilgan o'yini bo'lib o'tdi. Unda Arkadag' safarda Altin Asir darvozasiga javobsiz uchta to'p kiritdi. Arkadag' turnir jadvalida ham etakchilik qilmoqda. Chempionatda 12-tur o'yinlari 30–31 may kunlari o'tkazilishi rejalashtirilgan.

Oqil Abdubarnoev tayyorladi.

Markaziy Osiyo. Qozog'iston va Qirg'iz Respublikasida etakchilar yutqazdi, Tojikistonda Superkubok g'olibi aniqlandi