Championat.asia sayti talqiniga ko'ra 18-turning eng yaxshi darvozaboni – Javog'ir Ilyosov (OKMK)

OKMK bu tur o'z maydonida "Surxon" bilan o'ynadi va 1:0 hisobida g'alaba qozondi. Uchrashuv davomida olmaliqliklar posboni Javohir Ilyosov jamoasini muqarrar gollardan qutqarib qoldi. Shu tariqa Ilyosov turning eng yaxshi posboni sifatida etirof etildi.

Championat.asia sayti talqiniga ko'ra 18-turning eng yaxshi murabbiyi – Ro'ziqul Berdiev ("Nasaf")

"Nasaf" Namanganda "Navbahor" mehmoni bo'ldi va 1:0 hisobida g'alabaga erishdi. Ro'ziqul Berdiev boshchiligidagi "ajdarlar" turning markaziy o'yinida Namangandan 3 ochko bilan qaytishdi. Shu tariqa "Nasaf" ustozi turning eng yaxshi murabbiyi deb topildi.

Championat.asia sayti talqiniga ko'ra 18-turning eng yaxshi futbolchisi – Andriya Filipovich ("Bunyodkor")

"Bunyodkor" bu tur Samarqandda "Dinamo" mehmoni bo'ldi va 3:2 hisobida g'alaba qozondi. Shu kuni "qaldirg'ochlar" safida zaxiradan maydonga tushgan Andriya Filipovich ikkita chiroyli gol urishga erishdi va jamoasining g'alabasiga katta hissa qo'shdi. Aynan Filipovich saytimiz talqiniga ko'ra 18-turning eng yaxshi futbolchisi deb topildi.

Championat.asia sayti talqiniga ko'ra 18-turning eng chiroyli goli muallifi – Oybek Rustamov (OKMK)

OKMK - "Surxon" uchrashuvining 88-daqiqasida Dilshod Ahmadalievning ajoyib uzatmasidan keyin Oybek Rustamov to'pni to'xtatmasdan darvozaga yo'llab, chiroyli gol urdi. Bu gol yakunda g'alaba goli ham bo'ldi. Aynan Rustamov tomonidan urilgan gol championat.asia sayti talqiniga ko'ra turning eng chiroyli goli deb topildi.

Markaziy o'yin g'olibi, zaxiradan tushgan legioner - Superligada 18-turning eng yaxshilari