Biz esa o'z odatimizga ko'ra tur laureatlarini elon qilamiz.
"Championat.asia" sayti talqiniga ko'ra 13-turning eng yaxshi darvozaboni - Jamoliddin Hikmatov (Do'stlik)
Do'stlik bu tur o'z uyida Qo'qon-1912 jamoasini qabul qildi. Uchrashuvda Hikmatov o'z darvozasidan gol olib chiqqan bo'lishiga qaramasdan, bahs davomida bir necha bor muhim vaziyatlarda jamoasini goldan qutqarib qoldi. Uning say-harakatlari bilan ushbu turda Do'stlik o'zi uchun muhim bo'lgan bir ochkoni qo'lga kiritdi.
"Championat.asia" sayti talqiniga ko'ra 13-turning eng yaxshi futbolchisi - Nodirbek Mukarov (Sho'rtan)
Turning qiziqarli uchrashuvlaridan biri G'uzor shahrida bo'lib o'tdi. Unda Sho'rtan o'z uyida Olimpik-Mobiuzni yirik hisobda mag'lub etdi. Ushbu bahsda mezbonlar safida Nodirbek Mukarov dubl qayd etishga erishdi. G'uzorliklar yarim himoyachisi gollardan tashqari uchrashuv davomida o'zining foydali harakatlari bilan ham ajralib turdi.
"Championat.asia" sayti talqiniga ko'ra 13-turning eng yaxshi murabbiyi - Ulug'bek Bakaev (Buxoro)
Turning markaziy uchrashuvi Toshkentda bo'lib o'tdi va unda Buxoro Aralni mehmon qildi. Uchrashuvning boshidan boshlab buxoroliklar ustunlikka erishdi va raqiblarini yirik 3:0 hisobida taslim etishni uddaladi. Buxoroliklarning ushbu bahsdagi ajoyib o'yin ko'rsatishlarida jamoa bosh murabbiyi Ulug'bek Bakaevning o'rni katta va shu sababli Buxoro ustozi Pro liga 13-turning eng yaxshi murabbiyi deb tan olindi.
Izohlar