Diyorbek Mirzaboev shogirdlari dastlab Toshkent shahrida “Lokomotiv-BFK” va “NBU-Osiyo” jamoalariga qarshi bahs olib bordi va har ikkalasida ham raqiblarini bir hil 2:0 hisobida mag'lubiyatga uchratdi. Shundan so'ng qolgan uchta nazorat uchrashuvi, Yangier shahridagi jamoamizning mashg'ulotlar qarorgohida tashkil etildi.

Bu gal “Zomin” jamoasi 4:0, Qozog'istonning “Ordabasi” o'rinbosarlar jamoasi 2:0 hamda "Yangier" jamoasi 2:0 hisobida dog'da qoldirildi. Beshta nazorat bahsida ham g'alaba qozonga yosh mutaxassis, Diyorbek Mirzaboev jamoasi 19 mart kuni qisqa tatilga chiqishdi. Jamoamiz azolari kecha, Muborakka etib kelishdi. "Mashal-2" chempionatning dastlabki bahsini 1 Aprel Shanba kuni Muborakda "Yozyovon-Lochinlari" jamoasiga qarshi o'tkazadi. Uchrashuvga soat 15:00 da start beriladi.

"Mashal-2" jamoasi matbuot kotibi

“Mashal-2”: Nazorat uchrashuvlarining barchasida g'alaba qozondi