Birinchi ligada ishtirok etib kelayotgan "Mashal-2" safarda G'allaorol jamoasi bilan bahs bordi va 1:0 hisobida g'alaba qozondi.

O'yinning 21 daqiqasida, Muhriddin Rizvonov yaratilgan qulay vaziyatdan unumli foydalanib, raqib darvozasini aniq nishonga olgan xolda uchrashuvda hisobni ochishga muvaffaq bo'ldi. Tanaffusdan keyin tabiiyki maydon egalari hujumkorlikni oshirishdi, ko'pgina vaziyatlarda jamoamizga omad etishmadi. Bahsning 60 daqiqasida muborakliklar penalti ishlashga muvaffaq bo'ldi. Biroq 11 metrlik jarima to'pinidan iqtidorli hujumchi Bobur Farhodov raqib jamoa darvozasini ishg'ol qilaolmadi.

So'nggi daqiqalargacha bahs qizg'in va murosasiz kechsada hisob o'zgarmadi. Shu tariqa Mashal-2 safarda muhim g'alabani qo'lga kiritdi. Muxlislar yaxshi eslashsa kerak, g'allaorolliklar joriy yilgi chempionatda avvaliga o'z maydonida Andijon keyinchalik “Cementchi” bilan bo'lgan uchrashuvda durang qayd etib, ko'pchilikni hayron qoldirgandi. Boisi ular chempionat peshqadamlaridan muhim bir ochkoni tortib olishga muvaffaq bo'lgandi. Shuning uchun aytish mumkinki, yosh “Gazchilar”ning safardan g'alaba bilan qaytishi tahsinga loyiq.

Umid qilamizki, keyingi turlarda ham Diyor Mirzaboev boshqaruvidagi jamoamiz o'zini ko'rsatadi.

"Mashal-2" jamoasi matbuot xizmati Bunyod Andaev

Mashal-2 safarda g'alaba qozondi