Birinchi davradan so'ng safimizga Mirzohid G'ofurov va Dilyaver Abibullaev kelib qo'shildi. G'ofurov o'tgan mavsumlardan jamoamiz sharafini himoya qilgan va birinchi davradan so'ng "Bunyodkor"dan yana klubimizga qaytgan bo'lsa, Abibullaev birinchi marta "Mashal" azosi sifatida harakat qiladi.

Bugun har ikki futbolchi jamoamiz azosi sifatida tanishtirildi. Unga ko'ra G'ofurov 23 raqamni, Abdibullaev esa 47 raqamni tanladi.

Mirzohid G'ofurov: "Jamoaga yordam berish uchun keldim. "Mashal" men uchun begona klub emas. Hozir klub o'ziga nomunosib o'rinda turibdi. O'ylaymanki munosib joyimizni egallaymiz. Ikkinchi davrada 23 raqamni tanladim. Asosiysi o'yin va yangi natija ko'rsatish. Muboraklik muxlislar bizni hurmat qiladi va biz bunga munosib o'yin ko'rsatish uchun harakat qilamiz"

Dilyaver Abibullaev: "Oldingi mavsumlarda ham ushbu klubdan chorlov bo'lgan va bu mavsum "Mashal" sharafini himoya qilaman. Muxlislar ishonchini oqlash uchun bor kuchim bilan harakat qilaman. "Mashal" klubi o'zbek futbolida o'z o'rniga esa va bu yerda kuchli jamoa shakllangan. Mavsumni imkon qadar yuqori pog'onada yakunlashni istaymiz va buning uchun yordam berish birinchi vazifamdir"

Shundan so'ng har ikki futbolchiga o'z liboslari taqdim etildi.

VIDEO

FOTOGALEREYA:

"Mashal" ikkinchi davra oldidan yangi futbolchilarni tanishtirdi VIDEO