Jamoamiz azolari Muborakdagi uchrashuvni o'tkazish maqsadida bugun kunning ikkinchi yarmida Qarshi shahriga etib kelishgandi. Malum vaqt davomida yo'l charchoqlarini chiqargan futbolchilarimiz bundan biroz vaqt oldin Qarshi shahrida bahs oldidan so'nggi mashg'ulotni yakunlashdi.

"Mashal" va “Navbahor” jamoalari O'zbekiston chempionatlari oliy ligasi tarixida o'zaro 33 bor uchrashishgan. Shu kunga qadar har ikki hisobida 13 tadan g'alaba mavjud. Etti uchrashuvda esa tomonlar murosa yo'lini tanlashgan. To'plar nisbatidagi ko'rsatkich 45-40, "Navbahor" foydasiga. Raqiblarning o'zaro o'yinlaridagi eng yirik hisob 1995 yili qayd etilgan. O'shanda jamoamiz muborakliklar darvozasiga sakkizta javobsiz to'p kiritgandi. 1996 yili "Mashal" Namangandan 0:5 hisobidagi mag'lubiyat bilan qaytgan. 2008 yili muborakliklar aynan shu hisob bilan jamoamizni dog'da qoldirishgandi. Ushbu raqib maydonidan jami ikki bor jamoamiz zafar qozonib qaytgan. Muborakda “lochinlar” so'nggi bor 2004 yilda g'alaba bilan ortga qaytishgan. Shundan buyon “Navbahor” mehmonda “Mashal”ga asosan yutqazmoqda. 2015 yilgi chempionatda esa 2:2 hisobidagi durang kuzatilgandi. Umid qilamizki, ushbu noxush holatga bu safar Ilhom Mo'minjonov shogirdlari chek qo'yishadi. Jamoalarning joriy yilgi mavsum birinchi yarmida Namanganda o'tkazilgan o'zaro to'qnashuvida 1:0 hisobi kuzatilgandi. Hasanboy Ergashevning 69-daqiqada urgan yagona goli “Navbahor”ga kichik hisobdagi g'alabani taqdim etgandi.

“Mashal” va “Navbahor” jamoalari o'rtasidagi uchrashuv 7 sentyabr kuni B.Vafoev nomli o'yingohda soat 18.00da boshlanadi. Muborakdagi o'yinni navoiylik Zokir Qodirov boshchiligidagi hakamlar brigadasi boshqaradi. Qodirovga qanotlarda hamshaharlari Obid Jumaev va Ruslan Samandarovlar ko'maklashishsa, buxorolik Shuhrat Rajabov zaxira hakami vazifasini bajaradi. O'yinni nazoart qilish Xushvaqt Muxtorov (Samarqand) zimmasiga yuklatildi. Muborakka PFL vakili sifatida Valeriy Lyotkin tashrif buyuradi.

Muborakda bo'lib o'tgan barcha o'yinlar natijasi
1995 yil
"Mashal" - "Navbahor" - 0:0
1996 yil
"Mashal" - "Navbahor" - 0:3
Gollar: SH.Asatov (5-avtogol), S.Tursunov (14), T.Madrahimov (73).
2002 yil
"Mashal" - "Navbahor" - 0:0
2003 yil
"Mashal" - "Navbahor" - 2:2
Gollar: U.Jo'raev (23), N.Habibov (48-pen.) – SH.Mirxoldirshoev (29,81).
2004 yil
"Mashal" - "Navbahor" - 1:2
Gollar: J.Boboev (1) - SH.Mirxoldirshoev (43), P.Agbo (46).
2005 yil
"Mashal" - "Navbahor" - 2:1
Gollar: SH.Mirxoldirshoev (10,87) – SH.Raimqulov (04).
2006 yil
"Mashal" - "Navbahor" - 3:0
Gollar: SH.Mirxoldirshoev (30), V.Klishin (34), R.Qodirov (90).
2007 yil
"Mashal" - "Navbahor" - 1:0
Gol: R.Qodirov (70).
2008 yil
"Mashal" - "Navbahor" - 5:0
Gollar: A.G'ofurov (17, 82), R.Qodirov (40), S.Shodmonov (70), I.Shomurodov (75).
2009 yil
"Mashal" - "Navbahor" - 3:1
Gollar: B.Qodirqulov (16), K.Izrailov (69-pen.), T.Mirzaev (79) – M.Fozilov (62).
2010 yil
"Mashal" - "Navbahor" - 2:0
Gollar: A.Tyulenev (37), N.Davlatov (90).
2011 yil
"Mashal" - "Navbahor" - 2:0
Gollar: A. Shodmonov (4), I. Petkovich (47).
2012 yil
"Mashal" - "Navbahor" - 2:0
Gollar: E.Ergashev (35), I.Petkovich (75).
2014 yil
"Mashal" - "Navbahor" - 3:1
Gollar: Z.Qo'ziboev (28), Z.To'raev (40), M.Mamazulumov (52) – YU.Rijko (58).
2015 yil
"Mashal" - "Navbahor" - 2:2
Gollar: SH.Fayziev (39), X.Murtazoev (88) – A.Mahmudov (9), SH.Erkinov (28).
2016 yil
"Mashal" - "Navbahor" - 2:1
Gollar: SH.Shaymanov (45+1), Z.To'raev (76) – D.Jabborov (71).

"Mashal" - "Navbahor": PREVYU