Navbat Muborak shahridagi Bahrom Vafoev nomidagi stadionga etib keldi.

Pro liga vakili "Mashal" o'zining uy uchrashuvlarini o'tkazadigan stadion yillar davomida normal projektor yorug'ligiga ega emasdi. Kunlar isiy boshlagach, Muborak shahrida havo harorati nisbatan yuqori bo'lishi malum. Bu esa o'z navbatida futbolchilar uchun qator muammolarni keltirib chiqaradi.

Liga talabi bilan Bahrom Vafoev stadioni projektorlari yangilandi. 2 yanvar kuni Liga mutaxassisi Muborak shahrida bo'lib, yangilangan projektorlar taqdim etayotgan yorug'lik ko'rsatkichlariga aniqlik kiritdi. Unga ko'ra, ayni vaqtda stadion o'rtacha 1700 lyuks yorug'likka ega. Biroq shartnomaga ko'ra, projektorlarni o'rnatish bilan shug'ullangan kompaniya yorug'lik 1800-2000 lyuks atrofida bo'lishini taminlashi kerak. Shundan kelib chiqib, Bahrom Vafoev nomidagi stadionda bu boradagi ishlar davom etadi. Mavsum startiga qadar Liga projektorlarni yana bir bor ko'zdan kechiradi.

"Mashal" stadioni projektorlari 1700 lyuksni tashkil qilmoqda