"Mag'lubiyatni osonlikcha qabul qilib bo'lmayapti. Biz qo'ldan kelgancha harakat qildik, biroq ikkita ahmoqona gol qo'yib yubordik. Barchamiz xafamiz. Keyingi uchrashuvni Braziliyaga qarshi o'tkazamiz. Ushbu bahsda 100 foiz kuch bilan harakat qilamiz. Ayni damda barcha fikrimiz guruh bosqichining so'nggi o'yiniga qaratilgan.
Hakamlik borasida nima deya olaman? Arbitr barchaga birdek munosabatda bo'lmadi. Barcha bahsli holatlarda bir tomonlama qaror chiqardi. Bir vaziyatda biz penalti tepishimiz kerak edi, biroq Brix buni qayd etmadi. U nima uchun VAR tizimiga murojaat qilmaganini bilmayman. Keyinchalik serbiyalik futbolchilarga bir necha bora sariq kartochka ko'rsatdi. U vaziyatga qaror chiqarish uchun shoshildi. Bir vaziyatda menga imkoni bo'lsa, qizil kartochka berishini aytdi. FIFA bizning o'yindagi hakamlikni tekshirib chiqsa bo'lardi", - dedi Matich.

Matich: "Brix vaziyat bo'lsa, meni chetlatishini aytgandi"