Ҳамма якуний хулосаларни интизорлик билан кутяпти. Олдин айтилганидек, бу жуда нозик мавзу. Шошмаслик, масъулларни ҳам шоширмаслик керак. Биз эса сиз учун ҳеч қаерда айтилмаган тафсилотларни қидиряпмиз.

Бугунча "Локо"га яқин манбалардан олинган 2 та янги маълумот билан ўртоқлашамиз.

1) "Темирйўлчилар" атрофидаги воқеалар аввалдан ўрганилаётгани ҳақида айтгандик. Тотализаторга аралашиш учун мойиллик легионерларда кўпроқ бўлади. Шу туфайли олдинги чизиқда жуда қулай имкониятлардан фойдалана олмаётган Жером Этаме ("Янгиер"дан келган) ҳамда марказий ҳимояда қўпол хатоларга йўл қўйган Самуэль Опех ("Оқтепа"дан ўтган) шубҳа остига олинган эди (буни штабда ишлаган мураббийлардан бири тасдиқлади).

Аммо ўрганишлар натижасида жамоанинг африкалик легионерлари 100% тоза экани ва букмейкерлик ишларига алоқаси йўқлиги аниқланган (шу қоракўзлар учун хурсандмиз).

2) Ишнинг ичида ўзбекистонлик футболчи ҳам бор экан. Ҳозирча унинг шахси, қайси жамоада тўп тепиши ҳақида аниқ маълумот айтолмаймиз...

Хулоса: Кахи билан биргаликда маҳаллий футболчилардан бири обдон ўрганилаётгани аниқ. Демак, мазкур иш кўпчилик ўйлаганидек 1 киши билан ёпилиб кетмаса керак. Озгина сабр ва бунга гувоҳ бўласиз. Биз мавзу бўйича янги тафсилотларни қидиришда давом этамиз. Championat.asia'дан узоқлашманг!

Муаллифнинг телеграмдаги канали → ФР| футбол АНАЛИЗИ

"Махарадзе иши"да ўзбекистонлик футболчи борми?