23 ёшли форвард терманинг фотосессиясида иштирок этишдан бош тортган. У ўзининг имиж ҳуқуқлари борасида федерация билан келишмовчиликка борганлиги айтилмоқда.

Мбаппе шу йилнинг март ойида ўз даъво билан чиққанди. Ўшандан буён томонлар муросага келишганича йўқ.

Мбаппе ўзи билан ҳамкорлик қилмаётган ташкилотларнинг рекламасида исми чиқмаслигини истамоқда. Федерация ҳамкорлик қилаётган айрим брендлар унга маъқул келмаслигини айтган. Масалан, Coca-Cola компанияси. Бунга сабаб сифатида ушбу ичимлик орқали соғлом турмуш тарзини тарғиб қилиб бўлмаслигини келтирган.

Фотосессияга эса Coca-Cola компаниясидан ташқари Uber Eats, KFC каби компаниялар ҳам рекламасини жойлайди.

Мбаппе ФФФ билан келиша олмагани учун термада ўйнашни истамади