Мадриднинг "Реал" клуби ҳужумчиси Килиан Мбаппе кетма-кет икки кун давомида Франция терма жамоасининг Озарбайжон ва Исландияга қарши жаҳон чемпионати саралаш ўйинлари олдидаги машғулотларида иштирок этмади. Бу ҳақда AS нашри хабар бермоқда. Учрашувлар 10 ва 13 октябрь кунлари бўлиб ўтади. Килиан Мбаппе ўзидаги ноқулайлик сабаб бу ўйинларда иштирок этмаслиги мумкин.

Ҳужумчи шанба куни "Реал"нинг "Вилярреал"га қарши ўйинида (3:1) тўпиғи пайларининг чўзилишидан сўнг тикланмоқда. 26 ёшли футболчи 81-дақиқада гол урганидан кейин тезда майдонни тарк этишга мажбур бўлди ва тўғридан-тўғри кийиниш хонасига йўл олди.

Ундан ташқари, машғулотларда "Ливерпуль" ҳимоячиси Ибраима Конате ҳам қатнаша олмади.

Жорий мавсумда Мбаппе клуб ва миллий терма жамоа учун 12 та ўйинда 16 та гол урди.

Мбаппе жароҳат сабаб Франция терма жамоаси билан машғулот ўтказмади