Futbolchi o'tgan mavsumni "Dechich Tuzi" jamoasida o'tkazdi. Bundan tashqari u faoliyati davomida "Podgorica", "Suteska Niksich", Ozarbayjonning "Zira FK", Serbiyaning "Belgrad" jamoalarida to'p tepgan. 2020 yil Chernogoriya terma jamoasi debyut qilib hozirgacha 11ta o'yinda maydonga tushgan. Endilikda esa faoliyatini "Bunyodkor" bilan bog'ladi.

- Igor yangi jamoangiz haqidagi dastlabki taassurotlar qanday?

- Hozircha hammasi ajoyib. Birinchi taassurotlarim ijobiy. Jamoadoshlarim meni yaxshi qabul qildi. O'ylaymanki, yangi kollektivga tezda moslashib ketaman.

- Taklif kim tomonidan bo'ldi? Murabbiy yoki agentlar?

- Taklif klub tomonidan bo'ldi. "Bunyodkor" varianti haqida ko'p o'ylamadim. Keldim va shartnoma imzoladim.

- Bu jamoa va umuman o'zbek futboli haqida qanday tasavvurga egasiz?

- To'g'risini aytsam, "Bunyodkor"dan taklif tushmaguniga qadar o'zbek futboli haqida ko'p narsa bilmasdim.

- "Bunyodkor"ning qaysi jihati ko'proq qiziqtirdi?

- Keyinchalik bu jamoada Rivaldo kabi yulduzlar o'ynaganini ko'rdim. Demak men Jahon yulduzi to'p tepgan jamoaga keldim.

- Bizdagi malumotlarga qaraganda sizga o'zbek klublaridan "Nasaf" o'tgan yili xizmatingizga qiziqish bildirgan ekan...

- Faqat qandaydir gaplar, bu vaziyatda aniq narsa bo'lmagan.

Abdulaziz Iskandarov suhbatlashdi

"Men Jahon yulduzi o'ynagan jamoaga keldim" - "Bunyodkor"ning yangi legioneri