"Жорже Жезус жамоанинг қолган аъзолари билан ўйнаш имконим йўқлигини айтганида жуда хафа бўлдим.
Машғулотлар пайтида ҳаммаси бутунлай бошқача эди. Машғулотлар давомида мен ўйнашга тайёр эканлигимни, бошқа спортчилар каби формада эканлигимни кўрсатдим.
Машғулотларда ўйнаганимизда, ўйин натижасини мен ҳал қилганман, голларни ҳам мен урганман, шунинг учун мен уни аҳмоқ бўлиб кўринишга мажбур қилардим. Мен бу ҳақда гапиришни ҳам, жанжал чиқаришни ҳам ёқтирмайман. Бу менга ёқадиган нарса эмас, лекин ҳақиқат.
У шундай баёнот берганида, мен майдонга қайтишим билан ўзгача нимадир кўрсата олишимни билардим. Шу сабаб ҳаммасини шу ерда қолдираман. Мен майдонда гапираман, бу ўзимни ҳимоя қила оладиган ягона жой", - деди Неймар.

Эслатиб ўтамиз, "Ал Ҳилол" устози Жорже Жезус бразилиялик жамоани тарк этишидан олдин уни Саудия Арабистони чемпионатининг 2-давраси учун рўйхатдан ўтказишмаганини ва бу Неймар аввалги даражасида ўйнай олмаётганлиги билан боғлиқ эканлигини айтиб ўтган эди.

Маълумот учун, Неймар "Сантос" таркибида дебютини ўтказди. 45 дақиқа ўйнаган Неймар учрашувнинг энг яхши футболчиси деб топилди.

"Мен майдонда гапираман, бу ўзимни ҳимоя қила оладиган ягона жой"