Klub mutasaddilari uchrashuvlardan keyingi matbuot anjumanida Timur Turdievni chetdan turib maslahatlarini berayotganini aytmoqda. Xo'p, agar Timur Turdiev rostdan ham jamoada bo'lsa, nima uchun murabbiylar o'rindig'ida yo'q? Bu borada Timur Turdiev saytimizga shuni malum qildi.

“Aral Samali” bosh direktori: “Timur Turdiev chetdan bo'lsa ham o'z maslahatlarini berib bormoqda”

- Men "Aral Samali"ni bosh murabbiy sifatida maydonga olib chiqqan oxirgi o'yin uyda "Turon"ga qarshi bo'lgan. Shundan so'ng o'z arizamga asosan jamoadan ketganman ( Pro liga 11-tur "Aral Samali" - "Turon" 0:3).

Agarda Timur Turdievning fikrlaridan kelib chiqib aytganda, jamoa 7ta turdan beri bosh murabbiysiz harakat qilmoqda. Shunday ekan nega klub hamon sukut saqlab turibdi? Bunga suhbatdoshimizning javobi quyidagicha bo'ldi.

- Murabbiy topa olishmayotgan ekan. Menimcha, shuning uchun PFLga xabar bermagan shekilli. Men hozir klubga umuman aralashmayapman.

Abdulaziz Iskandarov

"Men hozir "Aral Samali"ga umuman aralashmayapman" - Timur Turdiev barchasiga oydinlik kiritdi