Tuttosport'нинг хабарига кўра, ҳаражат масаласи кўп жиҳатдан Мессига тегишли бўлган имидж ҳуқуқларига боғлиқ ҳисобланади.

“Барса”да футболчи соф 35 млн евро олади. Бу уни бошқа клубда қониқтирадиган минимал маош ҳисобланади. Солиқлар билан бирга эса Мессининг маоши клуб учун 66 млн еврога тушади. Агар, “Ювентус” солиқ улушини камайтирадиган бўлса, унда бу сумма 51 миллионни ташкил этади.

Шундай қилиб, Месси ўтганидан кейин унинг харажатлари миқдори йилига 86 млн.дан 91 миллион еврогача бўлиши мумкин. Бу ҳолда, у билан 4 йиллик шартноманинг умумий қиймати 350-365 млн. еврога тенг келади.

Каталонияликлар раҳбариятининг собиқ вакилларидан бири Арьедо Брайданинг сўзларига кўра, Италияда Мессини фақатгина “Ювентус” ҳамда “Интер” қўлга кирита олиш эҳтимоли бор.

Месси билан 4 йиллик шартнома имзолаш "Ювентус" учун қанчага тушади?