Lionel Messi JCH-2022dagi ajoyib g'alabadan so'ng Jahon kubogini noodatiy ko'rinishda oldi.

Leo medalni olishi bilanoq unga Qatar amiri Tamim ibn Xamad Al Tani tayyorlangan qora yopinchiqni kiydirdi. Messi birdan buni qanday to'g'ri kiyish kerakligini tushunmadi, unga tushuntirishdi va u qora kiyimda sovrinni olishga yo'l oldi.

Bu nima?

Bu bisht – yilning sovuq davrida (Qatarda hozir qish) gandura ustidan kiyiladigan qora yopinchiq. U mantiyaga o'xshaydi va huddi qishki kiyim sifatida ishlatiladi.

Bisht qora yoki jigarrang bo'ladi. U bazan oltin bilan bezatiladi, bu esa odamning zodagon oilasiga mansubligini anglatadi.

Bisht odatda tuya junidan tayyorlanadi. Erkaklar uni odatda malum vaziyatlarda kiyishadi: ziyofatlar, bayramlar, masalan to'ylarda kiyishadi. Leo Messi uchun esa aynan o'zgacha kun edi, hammasi bir-biriga mos keladi.

Qatardagi erkaklar odatda oq rangli libos kiyishadi. Umumiy talqinga ko'ra, erkaklarga oq rang to'g'ri keladi, sababi ular ko'p vaqtlarini uydan tashqarida o'tkazadilar, aniqrog'i cho'lda jazirama quyosh ostida. Ayollar esa aksincha, chodirda qolishadi va kiyimlari kamroq iflos bo'lishi uchun qora rangda kiyishadi.

Leo huddi amirdek, yorqin oq rangli futbolka va qora yopinchiqda gavdalandi, bu esa jozibali ko'rindi.

Jahon chempionati mezbonlari JCH bosh sovrinini topshirish marosimida o'z ananalarini shunday tarzda reklama qilishdi. Endi Leo Messining eng ajoyib lahzalari aks etgan barcha suratlarda bu bishtni ko'rish mumkin.

Aytgancha, amirning harakatlari hammaga ham yoqmadi. "Shunchaki nima uchun?", – deya hayron bo'ldi Argentina terma jamoasi va "Man Siti" sobiq o'yinchisi Pablo Sabaleta. Bastian Shvanshtayger esa kengroq gapirdi: "O'yinchidan katta lahzalarni tortib olishdi. Bu to'g'ri bo'ldi deb o'ylamayman. Buni biroz keyinroq, kiyim almashtirish xonasida qilish mumkin edi. Bu Messining o'ziga ham yoqdi deya olmayman. Menimcha, akciya muvaffaqiyatli chiqmadi".

Mixael Ballak ham xursand emas: "Bu jahlni chiqaradi. Ammo, Messining uni echmagani Leoning odobidan dalolat beradi. Bu suratlar abadiy qoladi. Futbol libosi bilan o'z mamlakatingni namoyish etasan, u esa ko'rinib turishi kerak".

Alisher Ostonov tarjimasi

Messi nimada kubokni qo'lga kiritdi? Bu qanday yopinchiq?