Qiziqarli va teng kurashlar ostida o'tgan o'yinda tomonlar murosa ko'chasini tanlashdi – 2:2.
Uchrashuvda hisobni navoiylik futbolchilar ochishdi. Jarima maydoni yonida bekobodliklar o'yin qoidasini buzishgandi. Jarima to'pini Erkin Boydullaev qoyilmaqom ijro etdi – 1:0. Vohaliklarning xursandchiligi uch daqiqaga cho'zildi xolos. Poytaxt viloyati vakillarining chap qanotdan uyushtirgan hujumini “Qizilqum” himoyachilari o'z jarima maydonlari ichida o'yin qoidasiga xilof ravishda to'xtatishdi. Pavel Purishkinga nisbatan ishlatilgan qo'pollikni Islom Isoqjonov 11 metrlik nuqtadan jazolab, hisobni tenglashtirdi.

Ikkinchi taymda bekobodliklar ustozi jamoa tarkibini deyarli to'liq o'zgartirdi. Bu bo'limda birinchi bo'lib bekobodliklar gol kiritishdi. 54-daqiqada Sohibjamol Davlatjonov chap qanotdan taqibchisidan qochib ketdi. O'zi ham zarba berishi mumkin bo'lgan joyda Davlatjonov to'pni qizg'onmadi va o'ng qanotdan ochilib kelayotgan jamoadoshiga uzatdi. Jasur Hasanovning zarbasini Evgeniy Cheremisin to'sa olmadi – 2:1.

O'yinni bekobodliklar o'z foydalariga hal etishlari mumkin edi. Ushbu goldan keyin ham “Metallurg” futbolchilari uch bora qulay vaziyatdan foydalana olishmadi. Futbolning “sen gol urmasang, senga urishadi” degan aqidasi bu o'yinda ham o'z isbotini topdi. So'nggi yigirma daqiqani katta bosim ostida o'tkazgan navoiyliklar 76-daqiqada hisobni tenglashtirishga muvaffaq bo'lishdi. Javob golini Guja Grigolashvili kiritdi.

"Qizilqum" – "Metallurg" – 2:2 (1:1).

“Do'stlik” j/x stadioni. 10.02.2018 yil.

Hakam: Elyor Tursunov.

Gollar: Erkin Boydullaev (10), Guja Grigolashvili (76) – Islom Isoqjonov (13-penaltidan), Jasur Hasanov (54).

"Qizilqum": Evgeniy Cheremisin, Guja Grigolashvili, Erkin Boydullaev, Nodirxon Kamolov, Fayzulla Qambarov, Sherali Jo'raev, Doniyor Usmonov, Giorgi Kvesieshvili, Nemanya Yovanovich, Xushnid Avilov, Alisher Yusupov.

Zahiradan tushganlar: Erkin Jabborov, Rustam Azamov, Sergey Proxorov, Mirjalol Qosimov, Akmal Rustamov, Feruz Boboqulov, Xumoyun Abdualimov.

"Metallurg": Nikita Ribkin, Abror Husinov, Abbos Otaxonov, Sherzod Fayziev, Dilyorbek Irmatov, Pavel Smolyachenko, Ixtiyor Toshpo'latov, Muhammad Isaev, Islom Isoqjonov, Jasur Hasanov, Pavel Purishkin.

Zaxiradan maydonga tushganlar: Zafar Safaev, Abror Toshqo'ziev, Alisher Ziyovuddinov, Nodir Mavlonov, Zohid Abdullaev, Akbar Ismatullaev, Sohibjamol Davlatjonov, Shahzod Shaymanov, Suhrob Nurullaev, Xudoyshukur Sattorov, Andrey Shipilov-junior, Doniyor Hoshimov.

"Metallurg" “Qizilqum” bilan bitimga imzo chekdi