Poytaxtliklar tarkibida sermahsul hujumchiga ehtiyoj tug'ilganligi bois ular SH.Nurmatov bilan bog'lanishdi va ijobiy javobni olishdi. Osiyo Chempionlari ligasida mamlakatimiz sharafini himoya etishi kutilayotgan klubdagi faoliyatida biz Shahzodga omad tilaymiz va o'z navbatida “Metallurg”dagi samarali faoliyati uchun minnatdorchilik bildiramiz.

O'tgan mavsum Mamur Ikromov xuddi shu yo'lni tanlagandi. Garchi “Metallurg” bilan xayrlashgan bo'lsa-da, bekobodliklar yil davomida Ikromovga ham ichki, ham xalqaro maydonlardagi o'yinlarida muxlislik qilishgandi. Endilikda SH.Nurmatovning ham xalqaro arenalarda raqiblar darvozasini ishg'ol etishini va butun o'zbekistonlik ishqibozlarni xursand etishini tilaymiz.

“Metallurg”ning bu yilgi yig'inlarida shuningdek SH. Norbekov, A.Ziyovuddinov hamda M.Akbarovlar ishtirok etishmayapti. Shohnazar kelgusi faoliyatini yaqin xorij – Qozog'iston chempionatida davom ettiradigan bo'ldi. Alisher hamda Mirto'ra esa oliy liga klublarida paydo bo'lishi kutilmoqda.

Bugun ertalabdan “Metallurg”futbolchilari O'zbekiston Milliy olimpiya qo'mitasi qoshidagi tibbiyot maskanida ko'rikdan o'tishmoqda. Kunnig ikkinchi yarmida esa futbolchilar Chirchiq shahriga yo'l olishadi hamda ikkinchi yig'inni boshlashadi.

"Metallurg": Shoxnazar Norbekov Qozog'istonga ketdi