Birinchi marta jamoalarimiz yangilangan chempionatda, Superliga bahslarida qatnashishga hozirlanishayapti. Bekobodning “Metallurg” jamoasida ham mavsum tadorigi qizg'in kechdi. O'tgan yilgi mavsum bilan taqqoslaydigan bo'lsak, tarkib sezilarli tarzda yangilandi. Oldingi jamoadan barmoq bilan sanarli darajada kam o'yinchilar qolishdi. Jamoaning o'rtacha yoshi ham keskin yoshartirildi. Tarkibimizda bir necha nafar iqtidorli yoshlar paydo bo'lishdi. Ular orasida Osiyo chempionlari ham bor.

“Metallurg” kuchlilar safida bugungacha 584 ta uchrashuv o'tkazgan: 193 ta g'alaba, 118 ta durang, 273 ta mag'lubiyat. Kiritilgan va o'tkazib yuborilgan to'plar farqi – 737:929.
Yangi mavsumda – Superligada futbolchilarimizga omad tilaymiz!

“Metallurg” Superligaga shay