"Jamoa sobiq futbolchisi Ivan Yosovich 2025 yilda maoshining malum qismini, davolanish uchun sarflangan mablag' hamda aviachipta xarajatlarini klub qoplab bermagani tufayli FIFAga ariza yuboradi.

Ishni o'rganib chiqqan xalqaro tashkilot 2025 yil 16 aprel kuni futbolchi foydasiga qaror chiqaradi. Biroq o'sha davrlarda klub faoliyati to'xtatilgani sababli masala ochiq qoladi.

Natijada FIFA tartib intizom qo'mitasi mazkur holat yuzasidan 2025 yilning 10 iyul sanasida qarorni bajarmagani uchun klubga nisbatan yangi futbolchilarni navbatdagi uchta transfer oynasi davrida hamda muammo hal etilmagan taqdirda, undan keyingi transfer oynalarida ham ro'yxatdan o'tkazishga taqiq qo'yadi.

Xabaringiz bor, malum tanaffusdan keyin joriy yilning 23 yanvar sanasida Bekobod klubi qayta tiklangani rasman elon qilindi.

Qisqa fursatda klub rahbariyati va mutasaddilari ushbu holat yuzasidan kerakli chora-tadbirlarni amalga oshirishdi va futbolchi bilan to'liq hisob-kitob qilinib, FIFAga tegishli xat yuborildi.

Endilikda FIFA klubdan transfer bo'yicha cheklovni rasman olib tashlashi kutilmoqda", – deyiladi klub bayonotida.

Avvalroq "Metallurg" Pro liga talablarini bajarish ustida ishlayotgani malum qilingan edi.

"Metallurg" "Yosovich ishi"ni hal qilmoqda