Yangi prezident faoliyatidagi ilk Kongress

Hisob bo'yicha 66-marotaba o'tkazilayotgan FIFA Kongressi tashkilotning yangi prezidenti Janni Infantino faoliyatidagi ilk Kongress bo'lganini takidlash joiz. Ayni damda, FIFAga azo bo'lgan 209ta federaciya vakillari ishtirok etgan kongress kun tartibida bir qator muhim masalalalar ko'rib chiqildi. Jumladan, yangi prezident FIFAning 2015 yil yakunlari bo'yicha to'liq hisobotini taqdim etish bilan birga, administrativ boshqaruv bo'yicha islohotlar olib borilishini malum qildi.

Tashkilotga yangi azolar qabul qilindi

Avvalroq, FIFA kengashi Kosovo Futbol Federaciyasi (FFK) hamda Gibraltar Futbol Uyushmasi (GFA)ni tashkilot safiga qabul qilinishini ovoz berish yo'li orqali hal qilish masalasini Kongress kun tartibiga qo'ygan edi. Kongress ko'pchilikning ovozi bilan mazkur federaciyalarni FIFA tarkibiga qo'shib olish masalasini maqulladi. Shu tariqa, FIFAning azolari soni 211taga etdi.

Yangi bosh kotib

FIFA prezidenti Janni Infantino senegallik Fatima Samurani FIFAning yangi bosh kotibi sifatida ommaga tanishtirdi. Shu paytgacha, BMTning rivojlantirish dasturi bo'yicha masul xodimi lavozimida ishlab kelgan Fatima Samura tashkilot tarixidagi ilk ayol bosh kotib bo'ldi. Yangi bosh kotib 2015 yildan buyon makzur lavozimni vaqtinchalik boshqarib kelayotgan Markuss Kattnerning o'rnini egalladi.

Takidlash lozim, mazkur kongressda O'zbekiston Futbol Federaciyasi Birinchi vice-prezidenti Sardor Rahmatullaev, O'FF matbuot xizmati boshlig'i Sanjar Rizaev hamda O'FF texnik bo'limi boshlig'i Olim Arifov ishtirok etishdi.

Malumot o'rnida, FIFAning navbatdagi kongressiga 2017 yilning 11-12 may kunlari Malayziya poytaxti Kuala-Lumpur shahri mezbonlik qiladi. Rossiya poytaxti Moskva shahri esa, JCH-2018 mezboni sifatida 2018 yilning 12-13 iyun kunlari FIFA kongressiga mezbonlik qiladi.

Mexikoda FIFAning navbatdagi Kongressi bo'lib o'tdi