- Bugungi uchrashuv haqidagi fikrlaringiz?

- Avstraliya juda ham yaxshi jamoa. Raqibning imkoniyatlaridan kelib chiqib futbolchilarimiz yaxshi o'yin namoyish etishdi. O'yin davomida 0:0 hisobini qayd etdik, ammo ikkinchi bo'limda gollar o'tkazib yubordik. Yakuniy natija yaxshi bo'lmadi. Ikkinchi bo'limda futbolchilarimizda charchoq alomatlari sezildi va shu sababli raqib hisobni ochdi. Dastlabki golni o'tkazib yuborganimizdan so'ng kayfiyatimiz tushib ketdi va shundan so'ng keyingi gollarni o'tkazib yubordik. Futbolchilarimiz bor kuchini berishdi va imkon qadar yaxshi o'yin namoyish etishga harakat qilishdi.

- Jismoniy holatimiz sabab mag'lub bo'ldik dedingiz. Terma jamoada avlodlar almashinuvini boshlash vaqti kelmadimi? Yosh terma jamoalarimizdan o'yinchilarni asosiy terma jamoaga jalb etish kerakdir balki?

- Ha, biz U20 terma jamoasidan ko'pgina futbolchilarni tarkibimizga jalb etamiz va hozirgi kunda terma jamoamiz safida 6 nafar yosh futbolchilarimiz bor.

- Avstraliyada bo'lib o'tadigan javob o'yinidagi imkoniyatlarimizni qanday baholaysiz?

- Javob uchrashuvida ko'proq hujum qilamiz.

- O'zbekiston terma jamoasi bugun asosan himoyalandi va raqib darvozasiga bor yo'g'i bir marotaba zarba berdik. Bugungi uchrashuvda agressivroq o'yin namoyish etsak va to'pga ko'proq egalik qilganimizda balki kamroq gol o'tkazib yuborarmidik? Yoki Avstraliya kabi kuchli terma jamoaga qarshi ochiq futbol namoyish etish ilojsizmi?

- Mashg'ulotlarda ko'proq to'pga egalik qilishni mashq qilishimiz kerak ekan. To'pga egalik qilayotgan chog'i raqiblarimiz ko'pgina holatlarda to'pni bizdan olib qo'ydi.

Midori Xonda: "Bugungi natijadan ranjidim"