“Bu uzoq muddatli turnir, shu bois futzalchilarning kuchlarini myorida taqsimlashimiz kerak. Shogirdlarim birinchi bo'limda fantastik o'yin namoyish etishdi. Birinchi bo'limda 10ta gol urib bo'lingan edi. Shu bois ikkinchi taymda biroz sekinroq o'ynadik. Hech bir jamoa ikkita bir xil taym o'tkaza olmaydi”, - deydi Migel Rodrigo.

- Birinchi o'yinda hujumda 30 foiz kuch bilan o'ynadi deb aytgandingiz. Bugunchi?
- Qatar kuchli jamoa edi. Bizga yaponcha futzal o'ynash uchun imkoniyat bermagandi. Bugun esa barchasi iziga tushib ketdi va yirik hisobda zafar quchdik.

- O'tgan turda darvozabonim eng yaxshi deb aytgandingiz. Bugun kim eng zo'r bo'ldi?
- Butun jamoa. Bugun jamoaviy tomonlama ajoyib o'ynadik. Har bir futzalchi o'z ishini to'liq bajara oldi.

- Avstraliyaga qarshi o'yinda nima kutayapsiz?
- Ko'p narsa Qatar va Avstraliya o'rtasidagi o'yinga bog'liq bo'ladi. Bugungi raqibimizga solishtirganda Avstraliya kuchli. Malayziya 5ta goldan so'ng taslim bo'lib qo'ya qoldi.

Narzulla Saydullaev

Migel Rodrigo: "Shogirdlarim birinchi bo'limda fantastik o'yin namoyish etishdi"