"Chiroyli derbi bo'ldi. O'yin ham chiroyli o'tdi. Ikkita juda ham yaxshi jamoalar o'rtasidagi bahs. Yutganimiz adolatli bo'ldi deb o'ylayman. "Lokomotiv" yaxshi o'yin namoyish etdi, urilgan ikkala gol ham chiroyli bo'ldi. Barcha futbolchilarimni tabriklayman. Astoydil g'alaba uchun kurashishdi. Shu jamoada ishlaydigan barchani tabriklayman, chunki barcha katta mehnat qildi. Ishlash uchun hamma sharoit yaratib berildi", - deydi Sekeyra.

- Raqib 2:0 bo'lguniga qadar deyarli yugurmadi, shunda "Lokomotiv" tezlikni oshirishi mumkinmidi?
- Birinchi taymdan so'ng Diyorni chapga, Azizni o'ngga o'tkazdik. Ikkalasi yaxshi o'ynashdi. Maydon markazida ham pozicion o'zgarishlarni amalga oshirdik. Ko'rsatmalarni futbolchilarim to'liq bajarib berishdi.

- Legioner sifatida olib kelingan Diego Bardanka so'nggi o'yinlarda kam maydonga tushmoqda. Bu nima bilan bog'liq?
- Bardanka O'zbekistonda yangi. U o'zbek futboliga moslashib ketishi uchun biroz muddat kerak bo'ladi.

- Oltita tur ortda qoldi, lekin "Lokomotiv"da portugalcha futbol ko'zga tashlanmayapti. Bu jamoa siznikimi yoki xali o'z uslubingizni singdira olmadingizmi?
- Bu haqiqiy O'zbekiston futbolini ko'rish uchun ozgina vaqt kerak bo'ldi. Chempionat boshlangan ilk kundan buni kuzatishga urindim. O'zbekiston va Evropa futboli boshqa-boshqa. O'zbek futboliga singib ketishim kerak edi, qisqa fursat ichida bunga erisha oldim deb o'ylayman.

- Birinchi taymda raqib juda sust va juda sekin o'yin ko'rsatdi. Lekin ular tezlikni oshirganidan keyin "Lokomotiv" tashabbusni berib qo'ydi...
- To'g'ri aytdingiz. Raqib juda ham keng o'ynay boshlashdi va men yana bir himoyachini maydonga tushirishga majbur bo'ldim. Bardanka maydonga tushgach raqib hujumlari kamaydi.

So'nggi so'z o'rnida bugungi natija biz uchun ham, jamoa uchun ham yaxshi bo'ldi. Bu bilan to'xtab qolmaymiz. Endi "Andijon" bilan o'yinga tayyorgarlik ko'ramiz.

Mikael Sekeyra: "Bardanka o'zbek futboliga moslashishi uchun vaqt kerak"