20 ёшли ҳужумчи "Милан" билан шартнома имзолайди. "Россонерилар" ўйинчининг трансфери учун 5 миллион евро миқдорида маблағ сарфлашади. Хеуге тез орада тиббий кўрикдан ўтади ва Италия гранди билан шартнома имзолайди.

Эслаб ўтиш жоиз, Милан клуби Европа Лигаси квалификацион босқичида "Будё-Глимт" билан ўйнади. Ўшанда итальянлар 3:2 ҳисобида ғалаба қозонишди. Норвегияликлар сафида икки голга ҳам Хеуге муаллифлик қилди.

Форвард Норвегия чемпионати доирасидаги 18та ўйинда майдонга тушиб, 14та гол ва 9та ассист қайд этди.

"Милан" 20 ёшли норвегиялик тўпурар билан шартнома имзолайди