A Seriya. 4-tur

"Milan" - "Inter" 0:2

21 sentyabr, 23:45 "Djuzeppe Meacca (San-Siro)"

Bosh hakam: Daniele Doveri

Gol: Marselo Brozovich (49), Romelu Lukaku (78).

"Milan": Donnarumma, Konti, Musakko, Romanoli, Rodriges, Kessie, Chalxanoglu, Bigliya, Suso, Piontek, Rafael Leau.

"Inter": Xandanovich, Asamoa, de Vrey, Shkrinyar, D`Ambrozio, Sensi, Brozovich, Barella, Godin, Lukaku, Martines.

O'YIN YAKUNLANDI!

92. Qarshi hujumga o'tib ketgan "Inter" futbolchisi Kandreva darvoza tomon zarba berdi. Uning zarbasi darvoza ustuniga tegdi va hisob yiriklashmay qoldi.

90. Bahsning ikkinchi bo'limiga hakam tomonidan 5 daqiqa qo'shib berildi.

86. "Milan" hisobni qisqartirishi mumkin edi. Teoning zarbasi esa darvoza ustuniga tegib maydonni tark etdi.

83. Nihoyat Ante Rebich maydonga tushdi, u Leauni almashtirdi.

82. D'Ambrozio hakam tomonidan sariq kartochka bilan "siylandi".

82. "Inter" tarkibida Barella o'z o'rnini Kandrevaga bo'shatib berdi.

80. Hisob yiriklashishi mumkin edi. Politanoning zarbasidan so'ng to'p darvoza to'siniga tegib maydon tashqarisiga chiqib ketdi. Donnarumma esa bu vaziyatni ancha yaqindan kuzatdi.

78. GOOOOOOL! Romelu Lukaku bosh bilan to'pni "Milan" darvozasiga joylab qo'ydi. Ajoyib to'p uzatmasini Barella ijro etdi.

76. Antonio Konte navbatdagi o'zgarishni amalga oshirdi. Faol harakat qilgan Lautaro Martines o'rniga maydonga Politano tushirildi.

72. Har ikki jamoada o'zgarish. "Inter"da Sensi o'rniga Vesino tushgan bo'lsa, "Milan"da Teo Ernandes Rodrigesni almashtirdi.

70. "Milan" hozircha "Inter"ga qarshi hech narsa qila olmayapti. "Inter" himoyachilari, ayniqsa Diego Godin juda ham ishonchli harakat qilmoqda.

64. Ilk o'zgarish. "Milan" tarkibida Chalxanoglu o'z o'rnini Paketaga bo'shatib berdi.

63. "Milan" hozirgacha raqib darvozasi tomonga atigi 1ta aniq zarba berdi.

56. "Milan" goldan so'ng vaziyatni o'nglashga harakat qilgan holda, oldinga siljidi.

49. GOOOOOOLLL! Endi quvonsa bo'laveradi. Marcelo Brozovich hisobni ochdi. Sensida esa assist.

49. Gooool deya "Inter" futbolchilari quvonib ketishdi. Hakam esa hushtak chalib, VARga murojaat qilishini bildirdi.

46. Ikkinchi bo'limga start beruvchi xushtak chalindi va bahsning ikkinchi qismi boshlandi.

TANAFFUS

46. Bahsning birinchi taymiga hakam tomonidan 3 daqiqa qo'shib berildi.

44. "Milan" ijrosida navbatdagi xavfli vaziyat! Leauning jarima maydonchasi ichiga uzatgan to'pni Piontek darvozaga yo'lladi. Ammo, uning zarbasiga aniqlik etishmadi.

40. Sensining xatosidan so'ng Suso "Inter" jarima maydonchasigacha borib, xavfli vaziyat yaratdi. Ammo, omad "Milan"dan yuz o'girdi.

36. Hakam VAR yordamida vaziyatni yana bir o'rgandi. Ammo, offsayd borligi tasdiqlandi.

35. "Inter" futbolchisi qaychi uslubida "Milan" darvozasini nishonga oldi. Donnarumma esa navbatdagi seyfni ijro etdi. Qaytgan to'pga zarba bergan Lautaro Martines o'yindan tashqari holatda qolib ketgan edi.

34. "Milan" ham faollashdi. Burchakdan uzatilgan to'pga Piontekning boshi etmay qoldi.

- Bu esa D'Ambrozio foydalana olmagan vaziyat.

23. Gol demoqchi edik-u, ammo hakam Chalxanog'luning golini bekor qildi.

21. XAVFLI VAZIYAT! "Inter" 99%lik vaziyatdan foydala olmadi. Dastlab Donnarumma seyf ijro etgan bo'lsa, D'Ambrozio ochiq darvozaga gol ura olmadi.

18. "Inter" futbolchilari "Milan"ning ishonchsiz o'yinidan so'ng, oldinga o'tib ketdi. Romelu Lukaku birga-bir vaziyatdan foydalana olmadi. Donnarumma esa vaziyat qahramoniga aylandi.

16. Donnarummaning ishonchsiz o'ynagan vaziyatini aytmasak, o'yinda hozircha xavfli vaziyat yuz bermadi.

10. Ortda qolgan 10 daqiqada "Inter" nisbatan ustunlik qilmoqda. Ammo, ular ham aytarli bir havfli vaziyatni yuzaga keltira olishmadi.

- "Inter" yakuniga etgan 3ta o'yinning barchasida g'alaba qozongan, "Milan" esa ortda qolgan o'yinlarda 2ta g'alaba va 1ta mag'lubiyat qayd etgan.

4. O'yin kutilganidek qizg'in tarzda boshlandi. Lautaro Martines esa hozirgina raqibiga qarshi keskin o'ynadi. Hakam o'yin boshida kartochkaga murojaat qilishni xohlamadi.

1. O'yinga start berildi!

- Assalomu alaykum hurmatli Championat.asia sayti o'quvchilari, bir necha daqiqalardan so'ng boshlanadigan Milan derbisini birgalikda kuzatib boramiz.

Milan derbisida "Inter" ishonchli hisobda g'alabaga erishdi