"Milan" hujumchi Mauro Ikardi uchun PSJga 15-20 mln evro to'lashga tayyor, deya xabar berdi "Sport Mediaset". Muammo faqat argentinalik futbolchining maoshida bo'lishi mumkin, u bir mavsum uchun 7 mln evroni tashkil qiladi..

PSJ hujumchini o'zida saqlab qolmaydi. Mauro Ikardining o'zi "Galatasaroy"da ijarada ajoyib mavsum o'tkazdi. U 24 o'yinda 22 ta gol urdi va 7 ta golli uzatmani amalga oshirdi, bu esa klub 2019 yildan beri ilk chempionligini qo'lga kiritishiga turtki bo'ldi.

Ikardi Evropaning katta futboliga qaytishga qarshi emas. U A Seriya bilan yaxshi tanish, "Inter" safida 219 uchrashuvda 124 ta gol urgan.

"Milan" "Inter" sobiq hujumchisiga qiziqish bildirmoqda