Беллашув якунлангач, меҳмонлар посбони Милан Митровичнинг баҳсдан таассуротлари билан қизиқдик.

"Ўйин шундай темпда ўттики, битта гол ўтказиб юборсак, барчаси ўзгариб кетиши мумкин эди. Биринчи голдан кейин бўшашиб қолмадик ва танаффусгача иккинчи голни урдик. "Бунёдкор"га қарши ўйин шуни кўрсатдики, футболни 90 дақиқадан кейин ҳам ўйналади. Охиригача курашмасангиз жазоланасиз. Бизнинг мақсадимиз бор. Бу уч очконинг қадри баланд бўлади.
Иван Бошкович "Бунёдкор"га қарши қандай ўйнаш кераклигини ҳар бир машғулотда тушунтирди. Рақибнинг кучли ва кучсиз томонлари, футболчиларини ўргандик.
"Сўғдиёна"га келган янги футболчилар билан яхши чиқишиб кетдик. Улар ҳам чиройли ўйин кўрсатишга ҳаракат қилишяпти.
Люпче Дориев нима учун келганини ҳали исботлайди. Ўйлайманки, ўзини кўрсата олади. Мураббийлар уни бежиз таклиф қилишмаган", - дейди Милан Митрович.

Абдулазиз Искандаров ёзиб олди

Милан Митрович: "Бунёдкор"га қарши ўйин шуни кўрсатдики, футбол 90 дақиқадан кейин ҳам ўйналади"