Баҳс давомида меҳмон жамоа вакиллари орадаги фарқни йўққа чиқариш учун қатор вазиятларни юзага келтиришган бўлсада, мезбонлар посбони Милан Митрович рақибга гол уриш имконини қолдирмади ва ўзининг сейвлари билан жамоасининг жонига оро кирди. Учрашувдан кейин маҳоратли киперга юзланиб фикрлари билан қизиқдик.

"Жамоамиздаги барча футболчиларга ажойиб жанговар ўйин учун раҳмат айтаман ва ғалаба билан табриклайман. Учрашув қийин бўлди. Биз танаффусдан сўнг кийиниш хонасида барчасини келишиб олдик ва майдонга кучли шижоат, истак билан тушдик. "Пахтакор"ни машғулотларда кучли ва кучсиз томонларини ўрганиб чиққандик. Рақибни ҳужумларини зарарсизлантиришга ва тўхтатишга эриша олдик. Мавсумни ёмон бошлагандик. Бу ғалаба биз учун бурилиш нуқтаси бўла олади деган умиддаман.

Кучли жамоани мағлуб этиш доим ёқимли. Албатта, бундай даражадаги жамоа билан ўйнаганда ҳаяжон ва босим бўлиши табиий. "Пахтакор" ва шунга ўхшаш клублардан устун келсангиз доим сенсацияга қиёслашади",- дейди Милан Митрович.

Милан Митрович: "Кучли жамоани мағлуб этсангиз доим сенсацияга қиёслашади"