Баҳс охири жуда кўп мунозараларга бой бўлди. 90+5-дақиқада 2:2 ҳисоби кузатилиб турган пайтда "Ювентус" ҳужумчиси Аркадиуш Милик гол урди - 3:2. Шундан кейин барчаси бошланди. Польшалик футболчи жамоасини мағлубиятдан қутқариб қолгани учун голни футболкасини ечиб нишонлади ва 83-дақиқада огоҳлантирилган Милич ўз-ўзидан майдондан четлатилди. Футболчи бундан у қадар хафа бўлмади, сабаби жамоасига ғалаба келтирмоқда... Аммо ўртага VAR чиқди. Бош ҳакам VAR'ни кўрди ва Милик гол ураётганида ўйиндан ташқари ҳолатда турган Бонуччи тўпга интилгани учун офсайд деб топди ва голни бекор қилди - 2:2.

Миликнинг қизил карточкаси эса...бекор қилинмади. Сабаби футболнинг амалдаги қоидаларига кўра, бундай ҳолатда карточкалар бекор бўлмайди. Шундай экан, ҳужумчиларга маслаҳат - фақат VAR'дан кейин футболкани ечинглар)

Нарзулла Сайдуллаев

Миликнинг голи VAR орқали бекор қилинди, аммо қизил карточка ўз кучида қолди. Нега?