Yig'ilish davomida terma jamoamiz bosh murabbiyi, bir qancha etakchi futbolchilar so'zga chiqishdi.

Shundan so'ng federaciya prezidenti so'zga chiqdi:

"Albatta, har bir odamning o'ziga yarasha rejalari, niyatlari bo'ladi. Ularni ro'yobga chiqishi uchun qo'ldan kelganicha harakat qiladi. Mini futbol rtimizga kirib kelganiga ancha vaqt bo'ldi. Bu orada sportning ushbu turini rivojlantirish yo'lida ko'plab ishlar amalga oshirildi. Yurtimizda mini futbol maydonlari juda ko'p. Hattoki tungacha yoshlarimiz sportning ushbu turi bilan shug'ullanmoqdalar.

Sizlar O'zbekiston sportchilarisiz. Yurtimizni dunyoda tanitmoqdasizlar. Mamlakatimizda ko'plab musobaqalar o'tkazilmoqda. Bu katta yutuq. Ammo, agar yurakdan vatan uchun o'ynash ishtiyoqi, istagi bo'lmasa bularning foydasi yo'q. O'sha erdagi futzalchilarning barchasi huddi sizlardek inson. Ortiq joyi yo'q. Sizlarga ham huddi ulardek, kerak bo'lsa, ulardan ortiq sharoit yaratib berilgan.

Istagim, Mundialga borganda O'zbekistonni tanitinglar. Futzal orqali yurtimizni dunyoga taniting", - deydi Mirabror Usmonov.

Mirabror Usmonov futzalchilarimiz bilan uchrashdi