O'yin haqida

- Muhimi kerakli natijaga erishdik. Buning yaxshi va yomon taraflari bor. Birinchi bo'limda sust harakat qildik. Oddiy vaziyatlarda xatoga yo'l qo'ydik. "Andijon" jamoasi qarshi hujumlar va standart vaziyatlarda juda yaxshi harakat qiladi. Birinchi golni o'z xatomiz evaziga o'tkazib yubordik. Ikkinchi gol qarshi hujum evaziga yuzaga kelgan penalti orqali urildi.

" Bobur-arena"da "Andijon"ning 12-raqamli o'yinchisi bor, bu albatta muxlislari. Bu stadionga keladigan har bir jamoaga oson bo'lmaydi. Ikkinchi bo'limda kerakli natijani qayd eta oldik. 3 ochko qoladi, o'yin esdan chiqadi.

- Jamoangiz 2:0 hisobida mag'lub bo'layotgan vaqtda nimalarni his qildingiz?

- Qanaqa rotaciya qilish va kimni zaxiraga olish haqida o'yladim. Ikkita gol o'tkazib yuborganimizdan so'ng tezkor javob golini kiritdik. Bu bizda ishonch paydo bo'lishiga sabab bo'ldi.

- Bugun jamoangiz baribir g'alaba qozona olishini murabbiylik hissiyotlari bilan sezdingizmi?

- Tanaffusda yigitlarga shu haqida aytdim. Yigitlarga ishongandim. Boshidanoq g'alaba uchun kelgandik. Bu savolingiz kimdadir noto'g'ri kayfiyatni uyg'otib qo'yishi mumkin.

- "Andijon" jamoasi birinchi bo'lib 2 ta gol urishini kutganmidingiz?

- Qiziq savollarni berayapsizlar. O'yinga tayyorgarlik ko'rganda har bir vaziyatga tayyor turish kerak. Olimpiya terma jamoamiz Misr bilan o'yinda himoyachi to'pni uzoqlashtirmoqchi edi, tasodifan gol bo'lib ketdi. Futbolda kutilmagan hodisalar ko'p bo'ladi.

Mirjalol Qosimov: "Bobur-arena"da "Andijon"ning 12-raqamli futbolchisi bor"