- Avvalambor ertangi o'qituvchi va murabbiylar kuni bilan barcha murabbiy va ustozlarni muborakbod etamiz. Jamoamiz va klubimiz nomidan barcha o'qituvchi va murabbiylarni tabriklayman.
O'yin haqida to'xtaladigan bo'lsam, birinchi bo'limda jamoamiz yaxshi o'ynadi, gollar urdik, g'alabani deyarli hal etdik. Ammo ikkinchi bo'limda yana o'sha eski muammo kuzatildi.

"Mashal" ancha shijoatkor va harakatchan jamoa. Bu jamoani imkoniyatlarini juda yaxshi bilamiz. Muborakliklar istalgan jamoaga xavf tug'dirishga qodir jamoa. Ammo bugun ulardan yanada ko'proq qarshilik kutgandim. Bugungi uchrashuvda jamoamiz birinchi bo'limda berilgan ko'rsatmalarni yaxshi bajarishgani uchun barcha masala hal etildi. Shu boisdan "Mashal" bugun kutilganidek o'ynay olmadi.

Chemirtan? Bu futbolchini jamoaga olib kelish xato bo'lgan. Chemirtan "Bunyodkor"ning saviyasiga mos futbolchi emas. Masalan kecha Chemirtan yoshlar tarkibida o'ynadi. Ammo hujumchi bir taym mobaynida darvoza tomon birorta zarba bergani yo'q. Bu qanday hujumchi?

Ashurmatov nega o'ng qanotda o'ynadi? Chunki Dilshod Ahmadalievni o'yindan oldin biroz tobi qochib qoldi. Shu sababdan ham Ashurmatovni qanotga qo'ydik.

"Bunyodkor" doim yuqori maqsadlarni ko'zlaydi. Biz joriy mavsumda ham ikkita sovrindan bittasini qo'lga kiritishni istaymiz. Aytadiku, osilsang balandorga osil deb. "Bunyodkor"ni maqsadi mavsumni sovrin bilan yakunlash.

Mirjalol Qosimov: "Chemirtan xato transfer bo'lgan"