O'yin haqida

- Qiziqarli o'yin bo'ldi, afsus mag'lub bo'ldik. Biz uchun juda muhim edi, shunga mos tayyorgarlik ko'rgandik. G'alaba qozonsak chempionlik uchun imkoniyatimiz saqlanib qolardi.

Uchrashuvni yomon boshlaganimiz yo'q, birinchi bo'limda yaxshi vaziyatlarga ega bo'ldik. Ikkinchi bo'limda Boake o'z vaziyatidan foydalanganda, balki natija boshqacha bo'lardi. "Paxtakor" vaziyatlardan unumli foydalanadi. Bu kabi jamoalar xatolarni kechirmaydi, bugun shu fikr o'z tasdig'ini topdi. Mehmonlarni g'alaba bilan tabriklayman. Endi qisqa muddatli tatilga chiqamiz.

- AGMK salkam 10 ta o'yindan buyon "Paxtakor"ni mag'lub eta olmayapti. Bu natijalar Qosimovning "kursisi qimirlashi"ga olib kelmaydimi?

- Endi sizlar olov yoqishga ustasizlar. Nasib qilgani bo'ladi. Ertaga nima bo'lishini xudo biladi.

- AGMK chempionlik uchun kurashdan chiqdi deb hisoblasa bo'ladimi?

- Hozir aytdim, shu o'yin juda muhim edi. Albatta , hozir ochko olish oson bo'lmayapti. Xulosa chiqarib ishlashda davom etamiz.

- Chempionatda kurashdan chiqqan AGMK bor etiborini kubok o'yinlariga qaratgani yaxshi emasmi?

- Yo'q, men buni yoqtirmayman. Har qanday musobaqada faqat yuqori o'rin va yuqori natija uchun kurashamiz. Afsus, bugun boshqa natija kutgandik.

Bu futbol, gol urmasang juda qiyin. Yaxshi vaziyatlarimiz bo'ldi.

- Oxirgi 10 daqiqalikda AGMK o'yinni tashlab yubordi. Cheranning o'zida gol urish uchun 3 ta vaziyat yuzaga keldi...

- Yo'q, nimaga? Ukam, o'zi futbol o'ynaganmisan?

- O'ynaganman.

- Jamoamiz gol urish uchun oldinga chiqishdi. Bunda himoya zaiflashadi. Agar birinchi bo'limda biz gol urganimizda vaziyat boshqacha bo'lardi. 0:2 mi, yoki boshqa hisobdagi mag'lubiyatmi, bir xil. Yigitlar gol urish uchun oldinga chiqishdi.

Mirjalol Qosimov: "G'alaba qozonganimizda chempionlik uchun imkoniyatimiz saqlanib qolardi"