- Muhim uch ochkoga ega bo'ldik. O'yin biz istagandek bo'ldi. Uchrashuvda to'liq ustunlikka erishdik va butun o'yin davomida "Neftchi"ga imkoniyat qoldirmadik. To'p bilan muomala qilishda ham, o'yinni nazorat qilish bo'yicha ham raqibdan yaxshi o'ynadik.

Vohid Shodiev? Bu transferga har xil qarash mumkin. Shodiev jarohati tufayli bir yilcha futbol o'ynagani yo'q. Keyin bir yilga yaqin gol ham urmadi. Shodievni qariya deyapmiz, lekin bunga qo'shilmayman. Vohid hozir 30 yoshda, ayni gullagan davrida. Hozir hujumchi gollar urishi, maydonda uchib yurishi lozim. Har gal Shodievga maydonga tushgandan keyin katta ishtiyoq bilan o'ynash kerakligini takidlayapman. Uning o'rniga maydonga tushib o'ynab berolmayman. O'ylaymanki, Shodiev o'yindan-o'yinga kuchayib boradi va o'zining sport formasini tiklaydi. Gol urishni ham boshlab oldi.
Shohruz Norxonovga keladigan bo'lsak, barchaga imkoniyat beramiz. Norxonov "Obod"da yaxshi o'ynagan, ammo "Bunyodkor" bilan "Obod"ni farqi bor. Nurmatov, Shodiev, Norxonov, Chemirtan kabi hujumchilarimiz bor. Barchaga imkoniyat beramiz. Qolgani futbolchining o'ziga bog'liq.

"Qizilqum" bilan o'yinda biz o'z aybimiz tufayli ikki ochko yo'qotdik. Tasodif evaziga Navoiyda g'alaba qozona olmadik. Futbolni 90 daqiqa o'ynaladi. Buni har doim futbolchilarga takidlayman.

Mirjalol Qosimov: "Neftchi"ga umuman imkoniyat bermadik"