"Ikki jamoa ham g'alaba uchun maydonga chiqqandi. Barcha yaxshi o'yin bo'lishini kutgan edi. Ochiq va qiziqarli o'yin bo'ldi. Ro'ziqul bilan ham maydon sifati haqida gaplashdik. Ikki jamoa ham manoli futbol namoyish etishga intiladi va bugungi maydon holati bizga xalal berdi" - dedi Mirjalol Qosimov bahs yakunlangach.

- "Nasaf"ga bugun ochko ko'proq kerak edi. OKMKda bugun o'tgan o'yinlardagidan ko'ra ko'proq ishtiyoq bormidi yoki jamoangiz har bir raqibga qarshi bir xil holatda maydonga tushadimi?

- Raqibning kim ekanligi farqi yo'q, ammo futbolchiga qanday etib borishi muhim. "Neftchi"ga qarshi o'yindagi statistikani qarasangiz biz unchalik yomon o'ynamadik. Andijonda va "Qo'qon-1912"ga qarshi o'yinda ham. Futbolda ruhiy jihat muhim. Futbolda har qanday vaziyat bo'ladi. Bizning jamoada qanday hisob qayd etilishidan qati nazar hakamning so'nggi hushtagiga qadar o'ynaymiz. Bu yaxshi jihat. Oxirigacha kurashish bu sport principi. Hech qachon qo'l siltab ketmaslik kerak. Bugun ham Azizda va Avazda imkoniyatlar bo'ldi, ulardan foydalanganimizda hisob boshqacha bo'lardi. Hech qachon to'xtab qolish kerak emas, baribir qachondir o'z mevasini beradi.

- Zaxiradan maydonga tushirgan futbolchilaringizning o'yinga qo'shilib ketishida muammo kuzatildi. Ushbu qaror xato bo'ldimi?

- Bo'ldi. Goldan oldingi vaziyatda Ahmad to'pni Hurshidga bersa bo'lardi, chap qanotda bo'shliq bor edi. U esa kutilmaganda Avazga pas berdi. Hozir eslay olganim, vaziyatni yana bir ko'rib chiqish kerak. Masalan, Farg'onada zaxiradan o'yinga qo'shilganlar o'yinga yaxshi kirishib ketdi. Zaxiradan o'yinga qo'shilganlar o'yinni kuchaytira olishi kerak. Hozir bir futbolchiga to'nkab qo'yish noto'g'ri bo'ladi. Futbol jamoaviy o'yin.

Mirjalol Qosimov: "Oxirigacha kurashish - sport principi"