Olimpiadadagi ishtiroklar

Misr olimpiya terma jamoasi o'z tarixida uch marotaba Olimpiya o'yinlarida ishtirok etgan. "faraon"larning musobaqadagi ilk debyuti 1992 yili Barselonada o'tkazilgan Olimpiya o'yinlarida sodir bo'lgan edi. Misr yoshlari Olimpiya o'yinlariga qita chempionlari sifatida yo'l olishgandi. O'zbekistonning bugungi raqibi o'sha musobaqa "B" guruhidan joy oladi va pley-off bosqichi yo'llanmasi uchun mezbon Ispaniya, Qatar va Kolumbiya olimpiya terma jamoalariga qarshi bahs olib boradi. Birinchi turda kichik 0:1 hisobida Qatarga mag'lub bo'lgan misrliklar, ikkinchi turda ham mag'lubiyatga uchrashadi, ammo bu safar mezbon Ispaniyaga va 0:2 hisobida. Uchinchi turda esa Kolumbiya terma jamoasi 4:3 hisobida mag'lub etiladi, lekin Misr olimpiya terma jamoasi o'z yurishini guruh bosqichining o'zidayoq to'xtatadi. 1996,2000,2004,2008 yilgi Olimpiya o'yinlarining futbol musobaqasida misrlik futbolchilar ishtirok etishmaydi, yani saralash bosqichidan o'ta olishmaydi. Londonda o'tkazilgan XXX olimpiya o'yinlarida esa jamoa chorak finalga qadar etib boradi. Misrliklar "s" guruhida Braziliya, Yangi Zelandiya va debyutant Belarus olimpiya terma jamoalari bilan to'qnash keladi. Dastlabki turda Braziliyaga 2:3 hisobida mag'lub bo'lgan arablar, ikkinchi turda Yangi Zelandiya bilan 1:1 hisobidagi durangga imzo chekadi. Guruh bosqichining so'nggi bahsida esa debyutant terma jamoa Belarus 3:1 hisobida mag'lub etiladi. Misr 4 ochko guruhda ikkinchi o'rinni egallaydi. Chorak final bosqichida esa Yaponiya Misr terma jamoasiga raqiblik qiladi. London Olimpiadasida ishtirok etgan yosh Muhammad Saloxning ishtiroki ham Misr terma jamoasiga hech qanday foyda keltirmaydi. "faraon"lar "Samuray"lardan javobsiz uchta to'p qabul qilib oladi. Misr olimpiya terma jamoasi Rio-De-Janeyrodagi Olimpiya o'yinlarini o'tkazib yuboradi. Tokiodagi musobaqada esa piramidalar yurti vakillari ishtirok etishadi. Ispaniya, Argentina va Avstraliya olimpiya terma jamoalari Misr bilan bir kvartetdan joy oladi. Birinchi turda Ispaniya bilan nursiz durang qayd etilgan bo'lsa, ikkinchi turda Argentinaga kichik 0:1 hisobida imkoniyat boy berilgan. Avstraliya esa 2:0 hisobida mag'lub etilgan. Misr 4 ochko bilan guruh bosqichini ikkinchi o'rinda yakunlaydi. Chorak finalda esa Misrga musobaqaning bo'lajak g'oliblari Braziliya yoshlari raqiblik qilishadi. O'yin taqdirini esa 37-daqiqada Mateush Kunya tomonidan urilgan gol hal etadi.

Tarkib va murabbiylar

Misr olimpiya terma jamoasi Parij-2024 Olimpiya o'yinlariga 22 nafar futbolchi bilan tashrif buyurgan. Barcha jamoalarga 3 nafar yoshi katta futbolchilarni chaqirishga ruxsat etilgan, ammo klublarning rad javobini eshitgan bosh murabbiy Rojerio Mikale 2 o'yinchi nomzodida to'xtadi. Bular - "Arsenal" xavbeki Muhammad El-Nenni hamda "Zemalek" yarim himoyachisi Ahmad "Zizo" Said. Olimpiya o'yinlarida ishtirok etadigan futbolchilarning ro'yxati qo'yidagicha:

Darvozabonlar: Hamza Alaa, Ali Al Jabri, Muhammad Siha;
Himoyachilar: Karim Al Dabiis, Hossam Abdilmajid, Ahmad Said Abdilnabi, Muhammad Hamdi, Muhammad Tariq, Ahmad Eid, Muhammad Mag'rebi, Omar Faed;
Yarim himoyachilar: Muhammad El-Nenni, Ahmad Said Zizo, Ahmad Nabil Koka, Muhammad Shihata, Ziyod Kamol, Ibrohim Odil, Mahmud Sabir, Ahmad Atif, Mustafo Saad;
Hujumchilar: Bilol Mazhar, Usama Faysal.

Misr OTJsining jami transfer qiymati 6,25 million evroga teng(O'zbekiston OTJ transfer qiymati esa 27 million evroga teng). Tarkibdagi eng qimmat futbolchi esa "Fenerbaxche" azosi - Omar Faed. "Fenerbaxche" himoyachisining transfer qiymati 600 ming evroga baholangan. Misr olimpiya terma jamoasini braziliyalik mutaxasiss Rojerio Mikale boshqarmoqda. Aynan Rojerio Mikale Rioda o'tkazilgan Olimpiya o'yinlarida Braziliya olimpiya terma jamoasi bilan oltin medallarni qo'lga kiritgan.

Tokio-2020

Tokiodagi musobaqada esa piramidalar yurti vakillari chorak finalga qadar ishtirok etishadi. Ispaniya, Argentina va Avstraliya olimpiya terma jamoalari Misr bilan bir kvartetdan joy oladi. Birinchi turda Ispaniya bilan nursiz durang qayd etilgan bo'lsa, ikkinchi turda Argentinaga kichik 0:1 hisobida imkoniyat boy berilgan. Avstraliya esa 2:0 hisobida mag'lub etilgan. Eslatib o'tamiz, aynan Avstraliya terma jamoasi Olimpiya o'yinlariga yo'llanma beruvchi U23 Osiyo kubogining uchinchi o'rin uchun bahsida O'zbekiston terma jamoasini kichik 1:0 hisobida mag'lub etgan edi. Misr 4 ochko bilan guruh bosqichini ikkinchi o'rinda yakunlaydi. Chorak finalda esa Misrga musobaqaning bo'lajak g'oliblari Braziliya yoshlari raqiblik qilishadi. O'yin taqdirini esa 37-daqiqada Mateush Kunya tomonidan urilgan gol hal etadi.

Olimpiadadagi mashhurlar

Misr terma jamoasi safida Olimpiya o'yinlarida ishtirok etgan mashhur futbolchilar.

1. Muhammad Salox(London-2012)

2. Muhammad El-Nenni(London-2012, Parij-2024)

3. Ahmed Xegazi(London-2012, Tokio-2020)

Toshkentdagi bahs

Misr olimpiya terma jamoasi o'tgan yili Toshkentda Timur Kapadze shogirdlariga qarshi o'rtoqlik uchrashuvida ishtirok etgan edi. Kurashlarga boy kechgan bahsda vakillarimiz 1:2 hisobida mag'lub bo'lishgan edi.

16.10.2023

O'rtoqlik uchrashuvi.

O'ZBEKISTON - Misr 1:2

Toshkent. "Bunyodkor" stadioni

Hakamlar: Rustam Lutfullin, Ruslan Serazetdinov, Aleksandr Sidorov, Rahimbek Karimov

Gol: Alisher Odilov (Husayn Norchaev) 27, Bilol Mazher (Ahmad Havash) 72, 1:1, Ziyod Muhammad

O'zbekiston - 12. Vladimir Nazarov, 3. Mahmud Mahammadjonov, 5. Muhammadqodir Hamraliev, 7. Xojimat Erkinov, 11. Otabek Jo'raqo'ziev (Jasur Jaloliddinov,51) 13. Eldor Begimov (Odilbek Abdumajitov,66) 16. Asadbek Rahimjonov, 17. Abdurauf Bo'riev, 19. Xusayn Norchaev (Ruslan Jiyanov,66) 22. Alisher Odilov (6. Behzod Shamsiev,86) 25. Umarali Rahmonaliev (23. Diyorbek Holmatov, 85)

Zaxira: Boymurodov, Mirsaidov, Sultonmurodov, Ibragimov, Hoshimov, Esanov, Abdunabiev,

Misr: 1 Xamza Alaa Abdalla, 3. Omar Faed Abdulvaxob, 4. Axmed Eid Muhamma, 5. Hussam Abdulmajid Abdulsalom, 7. Mahmud Sabir Abdulmuhsin ( 24. Ahmad Said Abdu Nabi,80), 9. Osama Feysal Axmed, 11. Axmed Favzi (8. Arabi Bader Muhtor,54) 14. Axmed Atef El Savi (22. Ziyod Muhammad), 17. Muhammad Muhammad Shaxata, 19. Ali Mahmud Zaazaa, 27 Muhammad Hamdi (21. Muhammad Ashraf, 54)

Zaxira:16. Ali Muhammad Al Gabri, 23. Muhammad Ahmad Sehaa, 20. Muhammad Samir, 15. Muhammad Tariq Morad, 6. Mahmud Gehad Muhammad, 30. Ahmad Havash,

Ogohlantirish: Mahmud Mahamadjonov 45+3, Mahmud Mahamadjonov 53, Osama Feysal Ahmed 80, Bilol Masher 86

Chetlatish: Mahmud Mahamadjonov 53

Misr olimpiya terma jamoasi haqida nimalarni bilishimiz kerak yoxud "Faraon" yurti vakillari bilan tanishamiz