Миср терма жамоасини 2018 йилги жаҳон чемпионатига олиб чиққан аргентиналик мураббий Эктор Купер Африка жамоаси билан хайрлашгач, Ўзбекистон терма жамоасида ишлаган.

2019 йилги Осиё кубоги доирасида Туркманистонга қарши ўйин олдидан ўтказилган матбуот анжуманида у "оқ бўрилар"даги фаолияти буткул бошқача бўлишини таъкидлаган:

"Бизнинг Миср билан ҳеч қандай алоқамиз йўқ. Ўйин услубимиз мен Мисрда қўллаган услубга ўхшамайди.
Ҳаммаси бошқача. Мисрдаги ўйинимизга ўхшаш жиҳатлар бўлиши мумкин, аммо биз ҳозир қўллаётган тизим буткул фарқ қилади.
Бугунги кунда мухлисларни тинчлантириш қийин, чунки сиз беллашувда ғалаба қозонишингиз, тўпни кўпроқ назорат қилишингиз ва яхши ўйин кўрсатишингиз керак. Барчани рози қилиш осон эмас".

Эслатиб ўтамиз, 69 ёшли мутахассис ўша йилнинг сентябрь ойида Фаластинга имконият бой берилгач, истеъфога чиқарилган, унинг сўнгги иш жойи эса Сурия терма жамоаси ҳисобланади.

Учрашув Тошкент вақти билан соат 21:00 да бошланади.

Миср ва Ўзбекистоннинг ўйин услублари ўхшаш бўлганми? Эктор Купердан жавоб