- O'yin juda qiyin kechdi. Garchi g'alaba qozongan bo'lsak-da, oson bo'lmadi. Raqib ham g'alaba qozonishni juda xohladi. Ikkala jamoaga ham uch ochko nihoyatda zarur edi. Futbolchilarimizga rahmat, g'alaba qozonib navbatdagi uch ochkoni qo'lga kiritdik. Va jadvalda biroz bo'lsada o'z holimizni yaxshilab oldik.

Bu g'alaba birinchi navbatda yigitlarniki, chunki ular xarakter ko'rsata olishdi. Buning uchun futbolchilarga katta rahmat. Shu o'rinda muxlislarimizni ham g'alaba bilan tabriklab qolaman.

- Asosiy himoyachi Marko Kolakovich bugun maydonda ko'rinmadi. Bu nima bilan bog'liq?

- U Kubok o'yinida jarohat oldi. Hozir tiklanish jarayonini boshdan o'tkazyapti. Murakkab grafik asosida maydonga tushyapmz, shu bois har bir futbolchi biz uchun qadrli. Markoning ham tezroq sog'ayishini tilab qolamiz.

- "Buxoro" gol o'tkazib yuborguncha birmuncha passiv harakat qildi. Goldan keyin esa "uyg'ondi".

- Buni ketma-ket o'yinlardagi toliqish bilan izohlagan do'lardim. O'yinlarga hozirlik ko'rish uchun kam vaqtga ega bo'lyapmz. Futbolchilar bugun borini bermaganida balki g'alaba ham bo'lmasdi.

Mixail Eremchuk: "G'alaba uchun avvalo futbolchilarga rahmat"