Vakillarimiz kecha Iroqni penaltilar seriyasida mag'lubiyatga uchratishga muvaffaq bo'ldi. Bu esa o'z-o'zidan yarim final eshiklari ochilganini anglatadi. Bahsdan so'ng terma jamoamiz himoyachisi Muhammadqodir Hamralievning fikrlari bilan qiziqdik.

"Penaltini erkin tepishni o'ylagandim. Nasib qilmagan ekan. Lekin amalga oshira olmagan bo'lsamda, xotirjam edim. Qandaydir bosim sezmadim. Bundan afsuslanmayman. Yigitlarga o'sha lahzada qo'llab - quvvatlashgani uchun rahmat aytaman. Qolaversa, muxlislar juda yaxshi muhit yaratib berishdi. G'alabada ularning hissasi katta bo'ldi. Jarohat olgan ikki kishiga esa sog'lik tilayman.
Bir kishi kam bo'lsakda, o'yinni to'liq nazorat qildik. Iroq bizdan qo'rqib o'ynadi",-deydi Hamraliev.

"Mixed zone". Muhammadqodir Hamraliev: "Iroq bizdan qo'rqib o'ynadi"