Uchrashuvda jamoaning va bu yilgi mavsumning ilk goliga Ruslan Jiyanov mualliflik qildi. Uchrashuvdan so'ng uning fikrlarini tingladik.

- O'yin haqida...

- Mavsumni g'alaba bilan boshlash yoqimli. Murabbiyimizning ko'rsatmalari bilan bu bahsga uzoq vaqt tayyorgarlik ko'rgan edik. Jamoamizda g'alabaga bo'lgan ishtiyoq juda katta edi, deb o'ylayman. Futbolchilarning ko'zi yonib turgandi.

- Aynan "Paxtakor"ga qarshi jamoa har safar boshqacha kayfiyatda o'ynamoqda...

- Faqat "Paxtakor"ga emas, har bir raqibga qarshi shunday o'ynaymiz.

- Bu yilgi "Paxtakor" sizningcha kuchlimi?

- "Paxtakor" aslo kuchsizlanmagan. Doim kuchli raqib bo'lib qoladi.

- Ertaga U-20 terma jamoamiz Iroqqa qarshi maydonga chiqadi. Bu raqib haqida sizda etarlicha tasavvur bor. Yoshlarimizga o'tgan yilgi o'yindan kelib chiqib qanday maslahat berasiz?

- Birinchi uchrashuvda yigitlar ajoyib o'yin ko'rsatishdi. G'alaba bilan tabriklayman. Ular qatori biz ham xursand bo'ldik. Iroqliklar ko'p provakaciya qiladi. Futbolchilarimizga provakaciyaga etibor bermaslikni maslahat bergan bo'lardim. O'z o'yinlarini ko'rsatishlari kerak. Iroq turli chalg'itish bilan o'yin suratiga tasir ko'rsatadi.

Abdulaziz Iskandarov

"Mixed Zone". Ruslan Jiyanov: "Ishtiyoq juda kuchli edi"