Учрашувдаги ягона гол муаллифи Улуғбек Ҳошимов микст-зонада бир нечта саволларга жавоб қайтарди.

- Ўйин ҳақида

- Биринчи ўйинда ҳар доим қийин бўлади. Шунга қарамасдан, ўз ўйинимизни кўрсатдик. Кўрганингиздек, ғалаба қозондик. Худо хоҳласа, бундан кейинги ўйинларда ҳам мухлислар бизни қўллаб-қувватлашини кутиб қоламиз.

- Биламизки, Ўзбекистон олимпия терма жамоаси бундан ҳам яхши ўйнай олади. Бугун нима етишмади деб ўйлайсиз?

- "Ўйинимиз чиқмади" дейиш хато бўлади. Барибир биринчи учрашув қийин ўтади. Бундан кейинги ўйинларда яхшироқ ҳаракат қилишга интиламиз.

- Тимур Кападзе сизга нималарни уқтирди? Майдонга тушгач, ўйинни кучайтирдингиз...

- Гол бўлмади. Мураббий гол урилишини хоҳлади, мен ҳам. Ўйин яхши ўтди. Ҳамма хурсанд бўлди деб ўйлайман.

- Бу 3 очко сиз учун нимани англатади? Кейинги турда Қатар билан ўйнайсизлар. Нимани кутяпсиз?

- Ҳамиша ғалаба қозонишга ҳаракат қилиб келганмиз. Мақсадимиз – Осиё Кубогида 1-ўринни олиш. Бундан ташқари, Олимпиадага чиқишни мўлжаллаганмиз. Бугун 3 очкога эга бўлдик. Қатарни ҳам енгиб, чемпионлик сари олға борамиз.

"Mixed zone". Улуғбек Ҳошимов: "Ўйинимиз чиқмади" дейиш хато бўлади"